ក្លាយជាតារាចិត្តធម៌ ក្រោយ Louis Koo ជួយសង្គ្រោះក្រុមហ៊ុនមួយ ស្ទើរតែជិតរលំ

ម៉ាឡេ៖ កាលពីពេលថ្មីៗនេះ តារាសម្តែងជនជាតិចិន Louis Koo បានធ្វើរឿងដ៏គួរស្ញើចសរសើរនិង គោរពមួយចំពោះម្ចាស់ក្រុមហ៊ុនជួលសម្លៀកបំពាក់មួយកន្លែង ដែលស្ទើរតែជិតបិទទ្វារទៅហើយ​ ដោយសារតែវីរុសកូវីដ-១៩ ធ្វើឲ្យវិស័យសេដ្ឋកិច្ចក្រុមហ៊ុននេះ ធ្លាក់ចុះស្ទើរតែដល់ចំណុចសូន្យ។

ដោយឡែក តារាសម្តែងប្រុសរូបនេះ មិនបានសួរនាំអ្វីឡើយ ក្រោយពីដឹងដំណឹងថា ក្រុមហ៊ុននេះជួបវិបត្តិសេដ្ឋកិច្ចដុនដាបខ្លាំងរួចមក រូបគេក៏បានបរិច្ចាគ ២០,០០០ម៉ាសដល់ក្រុមហ៊ុន ជាងនេះទៅទៀត អ្វីដែលធ្វើឲ្យអ្នកស្រី Gan Biling ដែលជាម្ចាស់ក្រុមហ៊ុនមិនអាចទប់ទឹកភ្នែកបាននោះគឺ តារាជើងចាស់រូបនេះថែមទាំង បរិច្ចាគម៉ាស ចំនួន ១,៣០០,០០០ និងថែមទាំង​ រកការងារឲ្យដល់ជនក្រីក្រដែលមិនមាន ចំណូលគ្រប់គ្រាន់ថែមទាំងផង។

ក្រោយពីបានឃើញដូច្នេះរួចមក មហាជនក៏បានសម្តែងពីអារម្មណ៍រំភើបដែល Louis Koo បានជួយដល់អ្នកខ្វះខាតដោយមិនត្រូវការសំណងមួយកាក់មួយសេន គឺអាចនិយាយបានថា ជួយដែលផុសចេញពីក្នុងចិត្តតែម្តង៕

សូមចូលមើលរូបភាពខាងក្រោម៖