អត់មាត់ៗ Miley Cyrus បើកបង្ហាញវីឡា តម្លៃជិត៥លានដុល្លារ ស្កឹមស្កៃណាស់

//s5.kh1.co/ae/ae77a2e7bdf42763c586717e157c1ff2bb176ef7.jpg

តារា & កម្សាន្ដ

២៥-កក្កដា-២០២០ ២ល្ងាច · ៤ ឆ្នាំមុន

តារាចម្រៀងMiley Cyrus ចំណាយលុយដ៏ច្រើនទិញវីឡាដ៏ធំស្កឹមស្កៃមួយ ចំណែកទិដ្ឋភាពខាងក្នុងផ្ទះវិញគឺពិតជាស្រស់ស្អាតគួរឲ្យចង់រស់នៅខ្លាំងណាស់។

បរទេស៖ ទិដ្ឋភាពវីឡា តម្លៃរាប់លានដុល្លារ របស់តារាចម្រៀងMiley Cyrus ត្រូវបានបើកបង្ហាញ ទៅកាន់អ្នកគាំទ្រ ដែលMiley ត្រូវបានគេដឹងថា ជាតារាហូលីវូដមួយរូប ក្នុងចំណោម តារាហូលីវូដមួយចំនួនទៀត ដែលហ៊ានចំណាយលុយ ទិញវីឡាដ៏មានតម្លៃថ្លៃ ក្នុងអំឡុងពេលដែលប្រទេស កំពុងតែជួបវិបត្តិ នៃជម្ងឺឆ្លងនេះផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមការរាយការណ៍ របស់សារព័ត៌មាន Daily New កាលពីថ្ងៃទី២៤ ខែកក្កដា នេះ បានបញ្ជាក់ដោយលំអិតថាMiley Cyrus បានចំណាយលុយ រហូតដល់ទៅ៤.៩៥ លានដុល្លារអាមេរិក សម្រាប់ការធ្វើជាម្ចាស់កម្មសិទ្ធិ លើវីឡាមួយកន្លែងនៅក្នុងតំបន់Hidden Hills ភាគខាងជើងនៃរដ្ឋLos Angeles សហរដ្ឋអាមេរិក។

គួរឲ្យដឹងផងដែរថា វីឡាដ៏ធំស្កឹមស្កៃមួយនោះ មានទំហំ៦,៨០០ម៉ែត្រការ៉េ ត្រូវបានសាងសង់ឡើង ក្នុងអំឡុងឆ្នាំ១៩៥០ និងត្រូវបានធ្វើការកែតម្រូវ សារជាថ្មី២ទៅ៣ ដងទៅហើយ ទៅតាមការចង់បាន របស់ម្ចាស់ផ្ទះម្នាក់ៗ។ វីឡានេះ ព័ទ្ធជុំវិញដោយដើមឈើធំៗ មានបន្ទប់គេងចំនួន៦ បន្ទប់ទទួលភ្ញៀវធំទូលាយ មានឡកម្តៅសម្រាប់ខែត្រជាក់ អាងទឹក រួមទាំងទីធ្លាអង្គុយលេង នៅខាងក្រៅផ្ទះ អមជាមួយទេសភាពធម្មជាតិ យ៉ាងស្រស់ស្អាត ថែមទៀតផង៕

ចង់ជ្រាបច្បាស់ ទស្សនារូបភាពខាងក្រោម៖