នៅប្រទេសសិង្ហបូរី មានគ្រូឯកជនដែលផ្ដល់សេវាកម្មធ្វើកិច្ចការសាលាឲ្យសិស្ស។ អ្នកដែលបាន ឃើញការផ្សាយសេវាកម្មនេះ រិះគន់ថាសេវាកម្ម នេះប៉ះពាល់ដល់កេរ្តិ៍ឈ្មោះវិស័យអប់រំប្រទេសសិង្ហបូរី ដែលល្បីថាជាប្រទេសដែលខិតខំរៀន។ គេបានអះអាងថាគោលបំណងនៃកិច្ចការសាលាមិនមែនលទ្ធផលចុងក្រោយនៃកិច្ចការនោះទេ គឺការរៀនរបស់សិស្សនៅពេលគេ ចំណាយពេលធ្វើកិច្ចការនោះ។
អ្នកខ្លះបានចោទសួរថាតើ ឪពុកម្ដាយណាខ្លះ ដែលនឹងជួលសេវាកម្មនេះ សម្រាប់កូនពួកគេ។ ខ្មែរឡូតគិតថាពិតជាមានឪពុកម្ដាយខ្លះដែលបានធ្លាប់ជួលសេវាកម្មនេះ បើមិនមានតម្រូវការក៏មិនមានការផ្គត់ផ្គង់នោះទេ។
មតិខ្លះ រិះគន់គ្រូឯកជនដែលផ្តល់សេវាកម្មនេះ ដោយគិតថាគ្រូនោះមិនសមជាគ្រូទេ និង មិនមែនជាឧទាហរណ៍ល្អដល់សង្គមនោះទេ។ ខាងក្រោមនេះជាពាក្យប្រើ ក្នុងការផ្សាយសេវាកម្ម៖
ប្រែសម្រួលជាភាសាខ្មែរ
សូមកុំបារម្ភ ខ្ញុំអាចជួយកូនអ្នកបាន
គ្រូឯកជនដែលមានជំនាញខ្ពស់នឹងជួយធ្វើកិច្ចការសាលារបស់កូនអ្នកបាន ហើយធានាថានឹងបាន A ជានិច្ច។
សេវាកម្មនេះមានក្រៅម៉ោងបង្រៀនរបស់គ្រូឯកជន សូមឆាប់ទូរស័ព្ទទាក់ទងសេវាកម្មជួយធ្វើកិច្ចការគណិតដល់ផ្ទះ និង ទុកពេលឲ្យកូនអ្នកសម្រាកគេងស្រួលខ្លួន។
- ធានាគុណភាព
- ធានាថាត្រឹមត្រូវ
- សរសេរចម្លើយសម្រាយងាយយល់
- សរសេរចម្លើយដោយដៃឲ្យដូចនឹងការសរសេររបស់កូនអ្នក
- កូនអ្នកនឹងទទួលការកោតសរសើរពីគ្រូ
ចំណាំ៖ នឹងធ្វើឲ្យមានកំហុសខ្លះជាចេតនា ដើម្បីឲ្យគ្រូកូនរបស់អ្នកជឿថាពិតជាធ្វើដោយកូនអ្នកមែន។
តើសេវាកម្មបែបនេះមាននៅប្រទេសកម្ពុជាដែរឬទេ?
ដោយ វីន
Khmerload
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
