កំពត៖ ថ្មីៗនេះខេត្តកំពតបានក្លាយទៅជាខេត្តគោលដៅទេសចរណ៍មួយយ៉ាងមមាញឹកក្រោយពេលដែលភ្ញៀវជាតិ និងអន្តរជាតិជាច្រើននៅតែបន្តទៅកម្សាន្ត និងសម្រាកលំហែកាយនាថ្ងៃចុងសប្តាហ៍ និងថ្ងៃបុណ្យជាតិផ្សេងៗ។ យ៉ាងណាមិញ ស្របពេលដែលប្រតិទិនបុណ្យចូលឆ្នាំប្រពៃណីខ្មែរត្រូវបានលើកពេលឱ្យបងប្អូនប្រជាពលរដ្ឋឈប់សម្រាកនាថ្ងៃទី១៧ រហូតដល់ ថ្ងៃទី២១ សីហា ខែក្រោយនេះ Khmerload សូមបង្ហាញពីតម្លៃកន្លែងគេងស្អាតៗដែលនៅជាប់នឹងមាត់ព្រែក ហើយមានចម្ងាយមិនឆ្ងាយឡើយពីក្រុងកំពត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. Yellow Sun Hostel: ជាកន្លែងគេង ក៏ដូចជាកន្លែងកម្សាន្តមួយយ៉ាងសប្បាយតាមបែបធម្មជាតិដែលមានទូកសម្រាប់ជួលជិះលេងគយគន់ទេសភាពដងព្រែក និងមានក្តាររអិលសម្រាប់អ្នកចូលចិត្តលេងទឹកផងដែរ។ សម្រាប់ការស្នាក់នៅវិញទាំងថ្ងៃធម្មតា និងថ្ងៃឈប់សម្រាកផ្សេងៗគឺមិនមានការប្រែប្រួលតម្លៃឡើយ។
*បឹងហ្គាឡូ ជាប់មាត់ទឹកគ្រែ១តម្លៃ ១៥ដុល្លារ និង ២០ដុល្លារ សម្រាប់គ្រែ២
*បឹងហ្គាឡូ ជាប់សួនគ្រែ១តម្លៃ ១២ដុល្លារ និង ១៦ដុល្លារ សម្រាប់គ្រែ២
*Triple Room តម្លៃ ២០ដុល្លារ (គេងបាន៦នាក់)
*បន្ទប់គេងរួមបែប Dormitory តម្លៃ១នាក់ ត្រឹមតែ ៤ដុល្លារ។
២. Samon's Village: ជាកន្លែងគេងដែលមានភាពស្រស់ស្អាតបែបសាមញ្ញ ហ៊ុមព័ទ្ធទៅដោយដើមឈើជាច្រើនដើមនៅក្នុងបរិវេណផ្ទះស្នាក់មួយនេះ។ រីឯបន្ទប់វិញគឺមានតម្លៃសមរម្យទៀតផងទាំងប្រភេទបន្ទប់ដែលដែលនៅជាប់មាត់ទឹក និងនៅជាប់សួន។ ចំពោះតម្លៃអាចប្រែប្រួលខ្លះទៅតាមថ្ងៃធម្មតា និងថ្ងៃឈប់សម្រាក ដោយចាប់ផ្តើមពីចន្លោះ ១២ដុល្លារ ឡើងទៅក្នុងមួយយប់។
៣. Eden Eco Village: បឹងហ្គាឡូនៅទីនោះ មានការគាំទ្រច្រើនពីភ្ញៀវជាតិ និងអន្តរជាតិជាច្រើនឆ្នាំមកហើយ ដោយសារតែការសាងសង់ និងការដេគ័របន្ទប់គឺមានលក្ខណៈស្អាតប្លែក និងមានផាសុកភាពជានិច្ច។ ភ្ញៀវដែលស្នាក់នៅទីនោះអាចគេងអង្រឹងដែលមានស្រាប់នៅពីមុខបន្ទប់តែម្តង ដើម្បីគយគន់សម្រស់ថ្ងៃលិចពីមាត់ព្រែកនាពេលល្ងាចឡើង។
ចំពោះតម្លៃបន្ទប់វិញគឺមានចាប់ពីចន្លោះ ១៥ដុល្លារ ទៅ ២៧ដុល្លារ តាមប្រភេទបន្ទប់ និងតាមពេលវេលា។