ជប៉ុន៖ ថ្មីៗនេះ ភ្លៀងធ្លាក់ខ្លាំងនៅប្រទេសជប៉ុន បានបង្កការខូចខាតដល់ផ្ទះសម្បែងជាង ១២,០០០ខ្នង ស្ថិតនៅភាគនិរតីនៃតំបន់កោះ Kyushu និងកន្លែងផ្សេងៗទៀត។ នេះបើតាមការចុះផ្សាយរបស់ពីសារព័ត៌មានជប៉ុន NHK នារសៀល ថ្ងៃទី១១ ខែកក្កដា ឆ្នាំ២០២០។  

យោងតាមទីភ្នាក់ងារគ្រប់គ្រងគ្រោះមហន្តរាយ និងអគ្គីភ័យបានឲ្យដឹងថា គិតត្រឹមម៉ោងរសៀល ថ្ងៃសៅរ៍នេះ ផ្ទះសរុបចំនួន ១២,៦១០ខ្នង​​​នៅក្នុងខេត្តចំនួន១៩ ត្រូវបានខូចខាត។ ខណៈផ្ទះចំនួន៤១ខ្នង ត្រូវបានបំផ្លាញទាំងស្រុង ក្នុងនោះមានផ្ទះចំនួន២៣ខ្នង ស្ថិតក្នុងខេត្ដគូម៉ាម៉ូតូ។

នៅក្នុងចំណោមផ្ទះខូចខាតខាងលើ មានផ្ទះចំនួន ៦,៣៦០ខ្នងត្រូវបានជន់លិច ហើយក្នុងនោះមានផ្ទះចំនួន ៤,៥៨០ ស្ថិតក្នុងខេត្ដគូម៉ាម៉ូតូ។

យ៉ាងណាមិញ ក្រុមមន្រ្តីបាននិយាយថា​ ពួកគេនៅមិនទាន់ទទួលបានរូបភាពពេញលេញនៃគ្រោះមហន្តរាយនេះនៅឡើយទេ ហើយចំនួនផ្ទះដែលខូចខាតអាចនឹងកើនឡើងថែមទៀត៕

សូមទស្សនារូបភាពខាងក្រោម៖

ទិដ្ឋភាព​ ​បន្ទាប់ពីមានភ្លៀងធំ
ទឹកជំនន់
ទឹកជំនន់
ទឹកជំនន់
ទឹកជំនន់

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ