កូរ៉េខាងត្បូង៖ តារាK-pop ជាច្រើនរូប ត្រូវបានបំផ្លាញកេរ្តិ៍ឈ្មោះ និងសម្ធិផលដែលខំសាងជាច្រើនឆ្នាំ ដោយសារតែការផ្ទុះឡើង នៃរឿងអាស្រូវ ដោយអ្នកខ្លះ ត្រូវបង្ខំចិត្តចាកចេញពីក្រុម និងខ្លះទៀតដល់ថ្នាក់ ត្រូវបំបែកក្រុមផងក៏មាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង ក្នុងនោះគេឃើញថា ភាគច្រើនរឿងអាស្រូវទាំងនោះ គឺកើតឡើងទៅលើតារាK-pop បុ្រសៗ ខណៈដែលតារាK-pop ស្រីៗ មានតែប៉ុន្មាននាក់ តែប៉ុណ្ណោះ៕
ខាងក្រោមនេះគឺជា តារាស្រីដែលត្រូវ ចាកចេញពីក្រុមព្រោះតែ ការផ្ទុះឡើងនៃរឿងអាស្រូវ មានដូចជា៖
១. Jimin អតីតប្រធានក្រុមAOA
Jimin ទើបតែផ្ទុះនៅរឿងអាស្រូវ កាលពីពេលថ្មីៗនេះ ដែលអតីតសមាជិករួមក្រុមMina បានចោទប្រកាន់ថា នាងត្រូវបាន ប្រធានក្រុមរូបនេះស្អប់ និងធ្វើបាប អស់រយៈពេល១០ឆ្នាំ ហើយកន្លងមកនាង ក៏ធ្លាប់អារក.ដៃ ដោយសារតែបញ្ហានេះ មិនតិចដងផងដែរ។ ជាមួយគ្នានោះMina ក៏បានរិះគន់ទៅកាន់ ខាងផលិតកម្មផងដែរថា មិនមានការខ្វល់ខ្វាយ ពីសកម្មភាពដែលJimin បានធ្វើមកលើខ្លួន អស់ជាច្រើនឆ្នាំ កន្លងទៅនេះ។ យ៉ាងណាមិញ ដើម្បីបញ្ឈប់ នៅការរិះគន់ និងដើម្បីជា ការសុំទោសJimin ក៏បានប្រកាសថា ចាកចេញពីក្រុមAOA ផងដែរ។
២. Dahee អតីតសមាជិកក្រុមGLAM
ជារួមតារាស្រីរូបនេះ ធ្លាប់បានគម្រាម យកលុយយ៉ាងច្រើន ពីតារាសម្តែងប្រុសLee Byung Hun ដើម្បីដោះដូរ ក្នុងការមិនបង្ហោះ វីដេអូអាសអាភាសមួយចំនួន។ យ៉ាងណាមិញ បន្ទាប់ពីបែកធ្លាយ នៅរឿងអាស្រូវនោះហើយ មិនមែនមានតែDahee ទេដែលត្រូវបណ្តេញចេញពីក្រុម តែក្រុមទាំងមូលក៏ត្រូវបាន រំសាយភ្លាមៗផងដែរ។
៣. HyunA អតីតសមាជិកក្រុមTriple H
ក្នុងអំឡុងពេល នៅជាមួយផលិតកម្មCube Entertainment តារាស្រីរូបនេះ ធ្លាប់ជាផ្នែកមួយ នៃក្រុមដែលមានឈ្មោះថាTriple H ។ ទោះយ៉ាងក្រុមមួយនេះ ក៏រួមបញ្ចូលទាំងDawn និងHui ផងដែរ ។ ក្រោយមកក៏លេចលឺ នៅពាក្យចចាមអារ៉ាមថាDawn និងHyunA មានទំនាក់ទំនងជាមួយគ្នា។ ស្របពេលដែល ខាងផលិតកម្មចេញមុខបដិសេធ តែDawn និងHyunA បានព្យាយាម ចេញមុខទម្លាយថា ពួកគេកំពុងមាន ទំនាក់ទំនងនឹងគ្នាទៅវិញ។ ក្នុងពេលនោះ ខាងផលិតកម្មCube Entertainment សម្រេចចិត្តរំសាយកិច្ចកុងត្រា ជាមួយអ្នកទាំងពីរ ហើយក្រោយមកក្រុមTriple H ក៏ត្រូវបានរំសាយចោលផងដែរ។
៤. Hwayoung អតីតសមាជិកក្រុមT-ara
នេះជារឿងអាស្រូវដ៏ធំមួយ ក្នុងវិស័យចម្រៀងK-pop ដែលសមាជិកក្រុមT-ara គឺHwayoung បានលើកឡើងថា នាងត្រូវបានគេធ្វើបាប ដោយសមាជិកដ៏ទៃទៀត នៅក្នុងក្រុម។ ហើយក្នុងពេលនោះដែរ មានមហាជនជច្រើន ក៏ចាប់ផ្តើម ធ្វើការប្រមូលផ្តុំភស្តុតាង បញ្ជាក់ថាសមាជិកផ្សេងទៀត ពិតជាធ្វើបាបនាងមែន។
ខណៈដែល សមាជិកក្រុមT-ara ផ្សេងទៀតព្យាយាមពន្យល់ ពីការចោទប្រកាន់នេះ ទៅកាន់អ្នកគាំទ្រ ថានេះមិនមែនជាការពិត តែការរិះគន់នៅតែមាន សន្ទុះខ្លាំងឡើងដដែល។ ក្នុងពេលនោះ ប្រជាប្រិយភាពក្រុមT-ara ក៏ត្រូវបានធ្លាក់ចុះ ហើយមិនយូរប៉ុន្មានHwayoung បានលាឈប់ពី T-ara បន្ទាប់ពីរឿងអាស្រូវនេះ បានផ្ទុះឡើង។
បានប្រហែល មួយឆ្នាំក្រោយមក ក៏មាន មនុស្សជាច្រើន បានចេញមុខបកស្រាយថា ការចោទប្រកាន់ទាំងនោះ គឺមិនមែនជារឿងពិតនោះទេ ហើយពូកគេបាន លើកឡើងថាHwayoung គឺជាអ្នកធ្វើបាបគេ នៅក្នុងក្រុមទៅវិញទេ៕