កូរ៉េខាងត្បូង ៖ ថ្មីៗនេះ នៅលើគេហទំព័រផ្ទាល់ខ្លួន របស់តារាសម្តែងពីររូប គឺលោក Lee Minho និងលោក Woo Do Hwan បានបង្ហោះរូបភាពថ្មី ជាបន្តបន្ទាប់ នៅពេលដែលពួកគេចូលរួមពីធីជប់លៀងមួយ របស់តារាសម្ដែងប្រុស លោក Woo Do Hwan ដែលដល់ថ្ងៃកំណត់ ចូលបម្រើក្នុងកងទ័ព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរថា លោក Woo Do Hwan នឹងចូលបម្រើកងទ័ពជាផ្លូវការ នៅថ្ងៃទី ៦ ខែកក្កដា។
ភ្លាមៗនោះ បន្ទាប់ពីរូបថតជាច្រើនសន្លឹក ត្រូវបានបង្ហោះ អ្នកលេងបណ្ដាញអ៊ីធើណែតជាច្រើន បានបញ្ចេញមតិដោយការផ្ទុះសំណើចយ៉ាងខ្លាំង។
រូបភាពមួយ បានធ្វើឲ្យអ្នកគាំទ្រឃើញហើយ ទប់សំណើចមិនបាន នោះគឺនៅពេលដែល Woo Do Hwan បានកាត់សក់ខ្លី ប៉ុន្តែលើសពីនោះទៅទៀត គឺដៃរបស់តារាប្រុសរូបនេះ ដែលហាក់ដូចជាកំពុងតែ លូកស្ទាប ទៅលើរាងកាយរបស់ Lee Minho ផ្នែកខាងក្រោយ។
ទន្ទឹមនឹងនេះដែរ Lee Minho ក៏បានបង្ហាញកាយវិការស្និទ្ធស្នាល ដោយឳប Woo Do Hwan ពោរពេញដោយស្នាមញញឹម ប្រៀបដូចជាបងប្អូននឹងគ្នា៕
ទស្សនារូបភាពខាងក្រោម ៖