អង់គ្លេស៖ យោងតាមសេចក្ដីរាយការណ៍បានឲ្យដឹងថា ខ្សែបម្រើ Juan Mata កំពុងសម្លឹងរកផ្លូវចាកចេញពីក្លិបបិសាចក្រហម Manchester United ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សMata វ័យ៣២ឆ្នាំ បានផ្លាស់មកចូលរួមជាមួយ Man UTD តាំងពីឆ្នាំ២០១៤មកម្ល៉េះ។ ដោយឡែកសម្រាប់រដូវកាលនេះ រូបគេហាក់មិនស្ថិតក្នុងបញ្ជីកីឡាករសំខាន់សម្រាប់លោក Ole Gunnar Solskjaer នោះទេ តួយ៉ាងគិតត្រឹមសប្ដាហ៍ទី៣៣ នៅក្របខណ្ឌ Premier League គេទើបបង្ហាញខ្លួនបាន១៩ប្រកួតប៉ុណ្ណោះ ដោយមានឈ្មោះបានចូលលេងញឹកញយត្រឹមពានរង្វាន់ FA Cup, EFL Cup ឬ Europa League ។
ជាមួយគ្នានេះ នៅទីផ្សាររដូវក្ដៅខាងមុខ គម្រោងធំរបស់ Man UTD គឺនាំយកម្ចាស់អាវលេខ៧ ក្រុម Borussia Dortmund កីឡាករ Jadon Sancho មករួមក្រុម ដូច្នេះក្លិបយក្សអង់គ្លេស ទំនងត្រូវបញ្ចេញកីឡាករមួយចំនួនដើម្បីទុកកន្លែងទំនេរសម្រាប់ Sancho។
ទន្ទឹមនឹងនេះ បើយោងតាមរបាយការណ៍របស់កាសែត Sansursuz Futbol កីឡាករ Mata អាចជាបេក្ខភាពមួយរូប ដែលត្រូវចាកចេញ ដោយខ្សែបម្រើវ័យជ្រេរូបនេះ កំពុងខិតជិតនឹងឈានដល់កិច្ចព្រមព្រៀងផ្ទេរទៅក្លិបយក្សតូកគី Fenerbahce។
គួរឲ្យដឹងដែរថា ក្លិប Fernabache មានទំនុងចិត្តខ្ពស់ ក្នុងការផ្ទេរយក Mata ដោយសារកុងត្រារបស់ម្ចាស់អាវលេខ៨រូបនេះ នៅកីឡដ្ឋាន Old Trafford មានសុពលភាពត្រឹម១១ខែទៀតប៉ុណ្ណោះ៕
ប្រភព៖ AF