ថៃ៖ ជាដំណឹងដែលគួរឲ្យ សោកស្តាយក្នុងវិស័យសិល្បៈរបស់ថៃ សាជាថ្មីបន្ទាប់ពីលេចលឺដំណឹង ទទួលមរណភាពរបស់ តារាចម្រៀងល្បីឈ្មោះNathan Oman ក្នុងវ័យ៤៥ឆ្នាំ ដោយសារតែ ជំងឺខ្វះគ្រាប់ឈាមក្រហម និងការឆ្លងមេរោគក្នុងឈាម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមប្រភពជិតដិតនឹង តារាចម្រៀងប្រុសរូបនេះបានឲ្យដឹងថា លោកបានទទួលមរណភាព នៅក្នុងថ្ងៃទី០៤ ខែកក្កដា ឆ្នាំ២០២០ នេះ នៅវេលាម៉ោង៩:៣៥ នាទីព្រឹក នៅក្នុងមន្ទីរពេទ្យSamut Sakhon ។ ជាមួយគ្នានេះ សាកសពរបស់លោកក៏នឹងត្រូវ យកទៅតម្កល់នៅក្នុងវិហារឥស្លាមមួយកន្លែង ដើម្បីទុករៀបចំចាត់ចែង ទៅតាមទំនៀមទំលាប់។
គួររំលឹកផងដែរថា លោកNathan Oman មានឈ្មោះពិតប្រាកដថាSuthan Omanan កើតនៅថ្ងៃទី១៥ ខែឧសភា ឆ្នាំ១៩៧៥ ហើយក្រោយមក លោកក៏បានប្រឡូកចូលក្នុងវិស័យឧស្សាហកម្មកម្សាន្ត ធ្វើជាអ្នកចម្រៀង តារាសម្តែង និងជាអ្នកថតរូប ឲ្យទស្សនាវដ្តីម៉ូត។
ក្រៅពីនេះ តារាប្រុសរូបនេះ ក៏ធ្លាប់ត្រូវបានគេចោទប្រកាន់ពី បទឆបោកភាគហ៊ុន និងត្រូវបានផ្តន្ទាទោស ឱ្យជាប់ពន្ធនាគាររយៈពេល២។ តែដោយសារតែការដឹងកំហុស និងព្រមទទួលសារភាព ដូច្នេះបានបន្ថយទោស មកត្រឹមពាក់កណ្តាលសល់ត្រឹមតែ១ ឆ្នាំវិញ។ តែក្រោយមក ក៏ទទួលបានការលើកលែងទោស ពីព្រះមហាក្សត្រ ក្នុងឱកាសព្រះរាជពិធី បុណ្យចម្រើនព្រះជន្ម កាលពីថ្ងៃទី៨ ខែធ្នូឆ្នាំ ២០១០ ផងដែរ៕