កូរ៉េខាងត្បូង៖ អ្នកណាមិនស្គាល់ Park Bom គឺជាតារាចម្រៀងគោល ក្នុងក្រុមចម្រៀងនារី2NE1 ដែលបានបង្ហាញខ្លួនដំបូង កាលពីឆ្នាំ២០០៩ ក្រៅពីសម្លេងដ៏ពិសេសរបស់នាងហើយPark Bom ក៏តែងតែធ្វើឲ្យអ្នកគាំទ្រ ចាប់អារម្មណ៍ជាមួយនឹងរូបសម្រស់ ប្រែប្រួលប្លែកបន្តិចម្តងៗ គ្រប់ពេលដែលបង្ហាញខ្លួនម្តងៗ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងPark Bom បានក្លាយទៅជា អ្នកហ្វឹកហាត់របស់ផលិតកម្មYG តាំងពីឆ្នាំ២០០៦។ មុនពេលដែលបង្ហាញខ្លួនជា សមាជិកក្នុងក្រុម2NE1-Park Bom ក៏ធ្លាប់បានលេចមុខ ក្នុងបទចម្រៀងរបស់សិស្សច្បងក្រុមBigBang ដែលក្នុងពេលនោះ គេសង្កេតឃើញថាPark Bom នៅមិនទាន់មានការកែកុនអ្វីនោះទេ ពោលគឺពេលនោះមើលទៅPark Bom មានមុខរាងប៉ោង គ្មានទម្រង់មុខV គ្មានត្របកភ្នែក២ជាន់នោះទេ។
ក៏ប៉ុន្តែ បន្ទាប់ពីបានបង្ហាញខ្លួន ជាមួយក្រុម2NE1 រួមមក នៅអំឡុងឆ្នាំ២០១១ នៅពេលដែលចេញបទចម្រៀងLonely ក្នុងពេលនោះPark Bom ក៏ទទួលបាននៅការចាប់ អារម្មណ៍ខ្លាំងម្តងទៀតពីសំណាក់អ្នកគាំទ្រជាមួយនឹងសម្រស់ថ្មីដែលមានទម្រង់មុខ ភ្នែកធំៗ រួមទាំងច្រមុះក៏ស្រួចខុសកាលពីដំបូងដែរ។
ហើយបើក្រឡេកមកមើលរូបសម្រស់ ក្នុងពេលបច្ចុប្បន្នរបស់Park Bom វិញក៏ផ្លាស់ប្តូរស្ទើតែទាំងស្រុង ពោលបន្ទាប់ពីវត្តមាន កាលពីពេលថ្មីៗនេះ មើលទៅអតីតសមាជិកក្រុម2NE1 រូបនេះបច្ចុប្បន្ន ហាក់ឡើងគីឡូយ៉ាងខ្លាំង មុខក៏ប្រែជាគ្មានទម្រង់ ច្រមុះក៏មានការប្រែប្រួលខ្លាំង ខុសកាលពីមុនផងដែរ៕
ចង់ជ្រាបច្បាស់ ទស្សនារូបភាពខាងក្រោម៖