មិនត្រឹមតែមានសង្សារចាស់ សូម្បីតែសង្សារថ្មីរបស់ Taew ក៏ខ្នះខ្នែង បុណ្យសពឪពុកនាងដូចគ្នា

ថៃ៖ ពិតជាមានសោកស្ដាយ ចំពោះ តារាសម្ដែងស្រី Taew Natapohn ដែលកាលពីថ្មីៗនេះ នាងបានបាត់បង់លោកឪពុកជាទីស្រលាញ់ ទាំងមិនអស់ចិត្ត ខណៈដែលគ្រួសាររបស់នាងទាំងមូលមានភាពសោកសៅយ៉ាងខ្លាំង ផងដែរ។

យ៉ាងណាមិញ នៅកណ្តាលបរិយាកាសដែលពោរពេញទៅដោយភាពទុក្ខព្រួយ នៅក្នុងពិធីបុណ្យសពរបស់ឪពុកនាង ក៏មានមិត្តរួមអាជីព ព្រមទាំងសាច់ញាតិជាច្រើន បានចូលរួមរំលែកទុក្ខដ៏ក្រៀមក្រំទៅដល់រូបនាង មិនត្រឹមតែប៉ុណ្ណោះ អ្វីដែលគួរឲ្យចាប់អារម្មណ៍នោះគឺ នៅក្នុងពិធីនេះផ្ទាល់ សង្សារចាស់របស់នាង ដែលទើបតែបែកគ្នា ក៏បានមកចូលរួម នៅក្បែរនាង ចាំលើកទឹកចិត្តដល់នាង ជានិច្ច។

លើសពីនេះទៅទៀត អ្វីដែលហ្វេនៗកាន់តែចាប់អារម្មណ៍នោះគឺ មិនត្រឹមតែមានវត្តមានសង្សារចាស់នៅក្នុងពិធីបុណ្យនោះ សូម្បីតែសង្សារថ្មី លោក Pranai Phornprapha ដែលជាកម្លោះអ្នកមានហាយសូរ ក៏បានមកចូលរួមនៅក្នុងពិធីបុណ្យសពរបស់ឪពុកនាង ព្រមទាំងបង្ហាញពីភាពស្និទ្ធស្នាល និងចាំជួយលើកទឹកចិត្តដល់នាង មិនចាញ់សង្សារចាស់នោះទេ៕

សូមទស្សនារូបភាពខាងក្រោម​៖