បរទេស៖ ពិតជាមិនសរសើរមិនបាន នារីដែលធ្លាប់តែមាន រូបរាងធាត់ខ្លាំងមានគីឡូ រហូតដល់ទៅ១៣៦គីឡូ ប្តេជ្ញាចិត្តហ្វឹកហាត់ខ្លួនឯង សម្រក់៧៧គីឡូមកនៅសល់ត្រឹមតែ៦០គីឡូ បន្ទាប់ពីត្រូវបានCrush បដិសេធក្តីស្រលាញ់រួចមក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរថា នារីខាងលើមានឈ្មោះថា Rachael Heffner មានអាយុ២៩ឆ្នាំ រស់នៅសហរដ្ឋអាមេរិក។ កន្លងមកនាងតែងតែ ជួបបញ្ហាជាមួយនឹង ការឡើងទម្ងន់ហួសកម្រិត ហើយជាញឹកញាប់ នៅសាលារៀននាងក៏តែងតែ ត្រូវបានមិត្តភក្តិរើសអើង និងធ្វើបាបព្រោះតែរូបរាងធាត់ របស់នាងផងដែរ។
ពោលត្រឹមតែ អាយុ១៩ឆ្នាំRachael ឡើងរហួតដល់ទៅ១៣៦ គីឡូក្រាមបាត់ទៅហើយ។ ក្នុងពេលនោះ នារីវ័យក្មេងរូបនេះ ពិតជាមិនពេញចិត្តជាខ្លាំង ជាមួយនឹងរូបរាងខ្លួនឯង។ ក៏ប៉ុន្តែ ក្នុងពេលជាមួយគ្នានោះ នាងក៏បានពេញចិត្ត នឹងបុរសម្នាក់ដែលរៀន នៅសាលាជាមួយគ្នា ហើយនាងក៏បានសម្រេចចិត្ត សារភាពប្រាប់ទៅគេ តែជាលទ្ធផលRachael បានត្រឹមចម្លើយ បដិសេធតែប៉ុណ្ណោះ។
យ៉ាងណាមិញ បន្ទាប់ពីទទួលបាន ការបដិសេធនោះហើយRachael ក៏បានប្រាប់ខ្លួនឯងថា នាងមិនអាចបន្តរស់នៅ បែបនេះតទៅទៀតនោះទេ។ ដូច្នេះហើយ ក្នុងពេលនោះនាងក៏បានប្តេជា្ញចិត្ត ធ្វើការហាត់ប្រាណ រហូតសម្រក់បាន៧៧គីឡូបានសម្រេច។ បន្ទាប់ពីហ្វឹកហាត់រាងកាយ យកសាច់ដុំបានសម្រេចហើយ នាងក៏បានដាក់ពាក្យចូលប្រកួត ក្នុងកម្មវិថីនារីសាច់ដុំ ដែលរហូតមកទល់ពេលបច្ចុប្បន្ននេះ នាងក៏ជាម្ចាស់ពានរង្វាន់ នារីសាច់ដុំរហូតដល់ ១៦ទៅហើយផងដែរ៕
Bong I.T