មាន​អារម្មណ៍​ថា​ តែង​ជួប​ម៉ោង​ស្ទួន​បែប​នេះ​ដដែល​ៗ ច្រើន​​ដង​​ក្នុង​​មួយ​​ថ្ងៃ​​?

ម៉ោង ​១២ និង ១២ នាទីយប់ស្ដាប់មើលទៅ វាដូចជាចៃដន្យពេកហើយ ប៉ុន្តែខ្ញុំតែងជួបម៉ោងស្ទួនបែបនេះ ច្រើនដងក្នុងមួយថ្ងៃ។ រឿងខ្លះ យើងគិតថា វាបានកើតឡើងដដែលៗ តែតាមពិតមិនមែនទេ វាបានកើតឡើង​តែម្ដងប៉ុណ្ណោះហើយមិនអាចកើតឡើងជាលើកទីពីរទេ។ ឧទាហរណ៍ម៉ោង ​១២ និង ១២នាទីយប់ថ្ងៃ​ ២៦ ខែ​មិថុនា ឆ្នាំ២០២០ ជាដើម។

តើអ្នកជឿទេ? ក្នុងមួយជីវិតមនុស្សម្នាក់ៗ បានជួបរឿងច្រើនរាប់មិនអស់ ឯរឿងខ្លះល្អ ឯខ្លះទៀតអាក្រក់ ហើយ​អាក្រក់រហូតទទួលយកលេងបាន ក៏ប៉ុន្តែអ្នកណាទៅដឹងថា ពេលណាជួបរឿងអាក្រក់ ហើយពេល​ណា​ជួបរឿងល្អ? ពិតណាស់គឺគ្មានទេ តែយើងអាចដឹងត្រឹមថា ថ្ងៃនេះយើងបានធ្វើអ្វីហើយល្អ ឬ អាក្រក់ តែប៉ុណ្ណោះ។ ក្នុងន័យនេះ គ្រាន់ចង់សំដៅលើទង្វើប៉ុណ្ណោះថា បើអ្នកធ្វើអ្វីនៅថ្ងៃនេះ វាអាចឲ្យផលនៅថ្ងៃស្អែក ឬខានស្អែក ហើយវាមិនកើត​ឡើងដដែលៗឡើយ៕