បរទេស៖ យោងតាមអ្នកជំនាញអភិរក្សបានឲ្យដឹងថា ពិភពលោកត្រូវការគោលដៅតែមួយ សម្រាប់ប្រយុទ្ធប្រឆាំងនឹងការបាត់បង់ធម្មជាតិ ដូចគ្នានឹងគោលដៅកុំឲ្យសីតុណ្ហភាពកើនលើស១.៥អង្សាសេ សម្រាប់បម្រែបម្រួលអាកាសធាតុដែរ។

គេចង់ស្នើសុំគោលដៅមួយ ដែលយ៉ាងហោចណាស់ កុំឲ្យមានរុក្ខជាតិនិងសត្វ ផុតពូជច្រើនជាង២០ប្រភេទ ក្នុងរយៈពេលមួយឆ្នាំ។ កាលពីឆ្នាំមុន អង្គការសហប្រជាជាតិបានរកឃើញថា ភាវៈរស់ប្រហែលមួយលានប្រភេទឥឡូវនេះ ត្រូវបានគំរាមកំហែងទៅនឹងការផុតពូជ។

ស្វាអូរ៉ង់អូតង់អាចនឹងផុតពូជ ក្នុងប្រមាណប៉ុន្មានទសវត្សរ៍ទៀត

ការរាតត្បាតជាសកលនៃវីរុសកូរ៉ូណា បានធ្វើឲ្យមានការចាប់អារម្មណ៍ ទៅលើតុល្យភាពសំខាន់ រវាងធម្មជាតិនិងមនុស្ស។ អ្នកវិទ្យាសាស្ត្របានព្រមានជាយូរមកហើយថា ការពាក់ព័ទ្ធកាន់តែខ្លាំងជាមួយសត្វព្រៃ ដូចជាការបរបាញ់ ការជួញដូរ ឬការបាត់បង់ទីជម្រកធម្មជាតិ ធ្វើឲ្យពិភពលោកប្រឈមនឹងហានិភ័យខ្ពស់​ នៃការផ្ទុះឡើងនៃជំងឺរាតត្បាតថ្មីៗ។

ក្រុមអ្នកវិទ្យាសាស្ត្របាននិយាយថា មនុស្សបានជំរុញឲ្យថនិកសត្វ បក្សី សត្វល្មូន និងថលជលិកសត្វចំនួន៥០០ប្រភេទ ឈានទៅការផុតពូជ ដែលនេះជាភស្ដុតាងបន្ថែមទៀត ដែលបង្ហាញថា ពិភពលោកកំពុងឈានទៅការផុតពូជដ៏ធំលើកទី៦ ក្នុងប្រវត្តិសាស្ត្ររបស់ផែនដី។

ប្រភេទថលជលិកសត្វក៏ងាយរងគ្រោះ និងផុតពូជផងដែរ

នៅក្នុងសំណើរថ្មី ដែលត្រូវបានបោះពុម្ពផ្សាយនៅក្នុងទិនានុប្បវត្តិវិទ្យាសាស្ត្រ អ្នកជំនាញអភិរក្សនៅចក្រភពអង់គ្លេសនិងអាល្លឺម៉ង់ បានអំពាវនាវឲ្យមានគោលដៅរយៈពេលវែង ដើម្បីកាត់បន្ថយការផុតពូជរបស់សត្វទៅនឹងអត្រាធម្មជាតិ ដោយមានគោលដៅអាចកំណត់បានថា យ៉ាងហោចណាស់មានភាវៈរស់ផុតពូជ តិចជាង២០ប្រភេទក្នុងមួយឆ្នាំ។ នេះគួររាប់បញ្ចូលទាំងអស់ ចំពោះប្រភេទរុក្ខជាតិ សត្វ និងផ្សិត ដែលមានទាំងនៅលើគោកនិងក្នុងសមុទ្រ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ