វ័យក្បែរ៤០ហើយ ប៉ុន្តែសម្រស់ សៀវ ឡុងនី មើលទៅច្រឡំស្មានក្មេង១៩

តៃវ៉ាន់៖ តារាសម្តែងស្រីជនជាតិចិនតៃវ៉ាន់ Michelle Chen ដែលទស្សនិកជននិយមតែង ស្គាល់ឈ្មោះក្នុងភាពយន្ត«The Romance of the Condor Heroes» នៅក្នុងឆ្នាំ២០១៤ -២០១៥ ដែលនាងបានសម្តែងជាតួអង្គ សៀវ ឡុងនី ជាមួយ យ៉ាង គួរ ដែលមានឈ្មោះថា Chen Xiao ផងដែរ។

ជាការពិតណាស់ តារាស្រីរូបនេះ បានស្គាល់លោក Chen Xiao ក្រោយពីបាន សម្តែងភាពយន្តជាមួយគ្នារួចមក ពួកគេក៏ចាប់ផ្តើមទាក់ទងគ្នា រួចក៏បិទឆាកនៅលីវ ដោយដឹកដៃគ្នាចូលរោងការ  នៅក្នុងឆ្នាំ២០១៦ និងទទួលបានចំណងដៃកូនប្រុសមួយតែម្តង។

ដោយឡែក ក្នុងពេលបច្ចុប្បន្ននេះ ទោះបីជា តារាស្រីរូបនេះ អាយុដល់ទៅ៣៧ឆ្នាំ ថែមទាំងមានប្តី និងកូនប្រុសមួយរូបក្តី ប៉ុន្តែសម្រស់តារាស្រីរូបនេះ គឺមិនមានភាពប្រួលប្រែទៅណាឡើយ​ ពោលគឺនៅតែក្មេងជាងវ័យដដែល ដោយកន្លងមក មានទស្សនិកជនជាច្រើននាក់ហើយ ដែលយល់ច្រឡំថា នាងទើបតែមានអាយុ២០ឆ្នាំ ជាងតែប៉ុណ្ណោះ។

រីឯអាថ៌កំបាំងដែលធ្វើឲ្យ សម្រស់តារាស្រី សៀវ ឡុងនី នៅតែរក្សារភាពក្មេងជាងវ័យបានយ៉ាងនេះ គឺដោយសារតែការហាត់ប្រាណ និងការរក្សារបបអាហារបានយ៉ាងទៀតទាត់ ដែលនាងឧស្សាហ៍បង្ហោះរូបភាព នៃការហាត់ប្រាណនៅតាមបណ្តាញសង្គម ជារឿយៗផងដែរ៕

សូមចូលមើលរូបភាពខាងក្រោម៖