លោកយាយ អាយុ៩៧ឆ្នាំម្នាក់ តោងម៉ាស៊ីនត្រជាក់ ជាងកន្លះម៉ោង

យោងតាមគេហទំព័រ Daily Mail បានបង្ហាញអោយដឹងថា លោកយាយ អាយុ ៩៧ឆ្នាំម្នាក់ តោងម៉ាស៊ីនត្រជាក់ ជាងកន្លះម៉ោង បន្ទាប់ពីគាត់រអិលជើងធ្លាក់ ពេលដែលគាត់កំពុង សំអាតបង្អួច។

លោកយាយ ដែលវិះស្លាប់បាត់បង់ជីវិតរូបនេះ មានឈ្មោះ Angela Artyomova អាយុ ៩៧ឆ្នាំ។ នៅមុនពេលកើតហេតុ លោកយាយ បានជូតសំអាតបង្អួចជាន់ទី ៤ ក្នុងនៅផ្ទះរបស់គាត់  ដែលស្ថិតនៅ  Rivne ប្រទេស អ៊ុយក្រែន ប៉ុន្តែសំណាងអាក្រក់ គាត់រអិលជើងធ្លាក់ ចេញពីបង្អូច ហើយ ប្រវេប្រវ៉ា តោងម៉ាស៊ីនត្រជាក់។ ក្រោយមក គាត់បានស្រែករក អ្នកជួយសង្គ្រោះ ហើយ ត្រូវអ្នកដំណើរដែលឆ្លងកាត់នៅពីក្រោមផ្ទះ លឺ និង រាយការណ៏ប្រាប់ក្រុមពន្លុតអគ្គីភ័យ។

ក្រោយពេលអ្នកកពន្លុតអគ្គីភ័យ បានប្រើជណ្តើរ ជួយសង្គ្រោះដោយជោគជ័យ លោកយាយត្រូវបានបញ្ជូនទៅមន្ទីរពេទ្យសំរាកព្យាបាល ដោយសារ គាត់ភ័យតក់ស្លុតខ្លាំងពេក។

តើប្រិយមិត្តអ្នកអាន យល់យ៉ាងណាចំពោះហេតុការណ៏នេះ?

ដោយ រ៉ាស៊ី

ខ្មែរឡូត