បរទេស៖ ថ្មីៗនេះ បងប្អូនស្រី ជនជាតិកាហ្សាក់ស្ថាន ចំនួន២រូប កំពុងតែទទួលបាន ការចាប់អារម្មណ៍យ៉ាងខ្លាំង ពីសំណាក់អ្នកលេងបណ្តាញសង្គម តាមរយៈរូបសម្រស់ដ៏ចម្លែក ប្លែកពីអ្នកដ៏ទៃរបស់ពួកគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជុំវិញលក្ខណៈរូបរាងដ៏ចម្លែកនេះដែរ បងប្អូនស្រីទាំងពីរនាក់ ដែលបងស្រីមានឈ្មោះថាAsel Kalaganova មានអាយុ១៤ឆ្នាំ និងប្អូនស្រីKamila Kalaganova អាយុ២ឆ្នាំ បានឲ្យដឹងថា ពួកគេទាំងពីរ បានកើតមក ជាមួយនឹងស្បែកសស្លេក បូករួមទាំងសក់ ចិញ្ចើម និងរោមភ្នែក គឺសុទ្ធតែមានពណ៌សទាំងអស់ ដែលនេះគឺបង្កមកពី ជម្ងឺម្យ៉ាងដែលហៅថា ជម្ងឺខ្វះជាតិពណ៌(Albinism) ។
ជាក់ស្តែង នៅពេលដែលAsel កើតមកដំបូង ក្រុមគ្រួសាររបស់នាង ក៏មានការភ្ញាក់ផ្អើល ជាខ្លាំង។ ពួកគេមិនដឹងថា មានរឿងអ្វីកើតឡើងចំពោះAsel នោះទេ។ ក៏ប៉ុន្តែបន្ទាប់មក ទើបម្តាយ និងឪពុករបស់នាង ដឹងថាកូនរបស់ពួកគេ បានកើតមាន ជម្ងឺខ្វះជាតិពណ៌នេះ។
បើយោងទៅតាម អង្គការក្នុងស្រុកមួយ ដែលមានឈ្មោះហៅកាត់ថាNOAH បានឲ្យដឹងថា ជាធម្មតាអត្រា អ្នកដែលកើតជម្ងឺប្រភេទនេះ នៅក្នុងប្រទេសកាហ្សាក់ស្ថាន គឺអាចមានត្រឹមតែ ក្នុងកម្រិត១ ក្នុងចំណោម ៣,០០០ នាក់ ទៅ ១ ក្នុងចំណោម ២០,០០០នាក់តែប៉ុណ្ណោះ។
យ៉ាងណាមិញ បើទោះបីជាពួកគេ មានលក្ខណៈរូបសម្រស់ខុសប្លែក ពីអ្នកដ៏ទៃក៏ពិតមែន តែវាក៏មិនប្រាកដថា ជារឿងមិនល្អដែរ។ ពោលគឺ នៅអាយុ១០ឆ្នាំAsel ក៏បានចាប់ផ្តើមអាជីពជា អ្នកតារាម៉ូដែលទៅហើយ។ បន្ថែមពីនេះ ចាប់តាំងពីពេលដែល រូបរបស់Asel និងប្អូនស្រីរបស់នាង ត្រូវបានចែកចាយលើបណ្តាញសង្គម រួចមកពួកគេក៏ បានទាក់ទាញបេះដូង របស់មហាជន ជាច្រើនរួចទៅហើយ។ ដែលភាពល្បីល្បាញទាំងនេះ គឺគួរតែអរគុណដល់ សម្រស់ខុសប្លែកគេ របស់ពួកនាងនេះតែម្តង។ គួរបញ្ជាក់ផងដែរថាAsel មានបងប្អូនចំនួន៣នាក់ គឺស្រី២ប្រុស១ តែប្អូនប្រុសបន្ទាប់របស់នាង មិនបានកើតជម្ងឺនេះដូចAsel និងប្អូនស្រីពៅដែលមានឈ្មោះថាKamila នោះទេ៕