ហុងកុង៖ កាលពីពេលថ្មីៗនេះ ប្រព័ន្ធផ្សព្វផ្សាយក្រៅប្រទេស បានធ្វើឲ្យអ្នកគ្រប់គ្នា មានការភ្ញាក់ផ្អើលយ៉ាងខ្លាំង ក្រោយពេលដែលបានចុះផ្សាយអំពី ដំណឹងលែងលះរបស់ តារាសម្តែងស្រី Gillian Chung និងស្វាមី ក្រោយពេល ពួកគេរៀបការទើបតែបាន ជាង១ឆ្នាំ តែប៉ុណ្ណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើតាមការរាយការណ៍ បានឲ្យដឹងថា តារាសម្តែងស្រី Gillian Chung គឺជាអ្នកដែល បានដាក់សំណើរលែងលះ ទៅកាន់ស្វាមី របស់នាងមុន។ នេះបើតាមការបញ្ជាក់ អ្នកតំណាងរបស់ តារាស្រីរូបនេះទៅកាន់ខាង អ្នកសារព័ត៌មាន។ ទន្ទឹមនឹងនេះដែរ គូសា្វមីភរិយាមួយគូនេះ ក៏បានបំពេញបែបបទលែងលះ រួចរាល់អស់ដែរ ហើយពួកគេ ក៏សង្ឈឹមថា អ្នកកាសែត និងអ្នកគាំទ្រ អាចផ្តល់ពេលវេលាផ្ទាល់ខ្លួន ដល់ពួកគេដែរ។
ជាមួយគ្នានេះដែរ បន្ទាប់ពីបែកធ្លាយ ដំណឹងលែងលះរួចហើយ តារាស្រីរូបនេះ ក៏បានសរសេរចែករំលែក លើបណ្តាញសង្គម របស់នាងបែបនេះផងដែរថា៖
នេះគឺជា ការសម្រេចចិត្តផ្ទាល់ខ្លួន របស់ពួកយើង។ ក៏ប៉ុន្តែ ពួកយើងគឺនៅតែ មានការគោរពគ្នាទៅវិញទៅមក ហើយសម្រាប់បញ្ហាផ្សេងៗ ពួកយើងនឹងធ្វើការ ចាត់ចែងបន្តទៅទៀត។ ដូច្នេះក្នុងពេលនេះ រាល់សំណួរដែលទាក់ទងនឹង ការលែងលះគឺពួកយើង សុំមិនធ្វើការឆ្លើយនោះទេ។
ចំណែកស្វាមី ជាវេជ្ជបណ្ឌិតរបស់ តារាស្រីរូបនេះវិញ ក៏បានលើកឡើង ផងដែរថា៖
នាងមិនបាន ស្រលាញ់ខ្ញុំនោះទេ។
យ៉ាងណាមិញចំពោះ មូលហេតុនៃការលែងលះ របស់ពួកគេទាំងពីរគឺនៅ មិនទាន់បានបញ្ជាក់ ឲ្យបានច្បាស់នោះទេ។ បន្ថែមពីនេះ ស្វាមីរបស់ តារាស្រីរូបនេះ ក៏សូមច្រានចោល នៅពាក្យចចាមអារ៉ាមទាំងឡាយណា ដែលទាក់ទងនឹងអាស្រូវ ចោទប្រកាន់ថា លោកក្បត់ចិត្តភរិយា លួចទាក់ទងនឹងស្រីដទៃ រួមទាំងការបែកធ្លាយ នៅវីដេអូរួមភេទផ្សេងៗ ទាំងអស់ផងដែរ។
គួរបញ្ជាក់ផងដែរថា គូរស្វាមីភរិយាមួយគូរនេះ បានសម្រចចិត្តរៀបការ ជាមួយគ្នាកាលពីខែឧសភា ឆ្នាំ២០១៨ នៅទីក្រុងLos Angeles ដែលក្នុងពេលនោះ ពិធីមង្គលការរបស់អ្នកទាំងពីរ រៀបចំឡើង មានការចូលរួមតែពី សំណាក់ក្រុមគ្រួសារ មិត្តភក្តិជិតស្និត តែប៉ុន្មាននាក់តែប៉ុណ្ណោះ៕
Bong I.T