តៃវ៉ាន់៖ តារាសម្តែងប្រុស ដែលមានរាងខ្ពស់ស្រលះរាងសង្ហា Kai Ko របស់ចិនតៃវ៉ាន់ គឺតារាម្នាក់ ដែលល្បីបំផុតនៅក្នុងទូទាំងប្រទេសចិន នៅក្រៅប្រទេសផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ តារាប្រុសរូបនេះ បានឆាបឆក់យកបេះដូង អ្នកគាំទ្រតាមរយៈសម្រស់និង ទេពកោសល្យនៃការសម្តែងភាពយន្តជាច្រើន ជាពិសេសគឺរឿង«You Are The Apple Of My Eyes» ដែលជាប្រភេទ មនោសញ្ចេតនាបែបកំសត់ ជាមួយតារាសម្តែងស្រី Michelle Chen ដែលយើងនិយមស្គាល់ថា ជាតួអង្គសៀវ ឡុងនីនោះ។
ជាក់ស្តែង ថ្មីៗនេះ តួអង្គប្រុសនៅក្នុងរឿង «You Are The Apple Of My Eyes» រូបនេះ បានសម្តែងការអន់ចិត្តអន់ថ្លើមយ៉ាងខ្លាំង ចំពោះប្រជាជនសិង្ហបុរី ដែលគ្មានអ្នកណាម្នាក់ស្គាល់គាត់តែសោះ ដោយកន្លងមក តារាប្រុសតែងតែទៅប្រទេសនេះ ដើម្បីលំហែកាយ ជាញឹកញាប់។
កន្លងមក ធ្លាប់មានហ្វេនម្នាក់បានចោទសួរ Kai Ko ថា តើតារាប្រុសរូបនេះ មានចិត្តនឹកនា ដល់ទឹកដីសិង្ហបុរីទៀតអត់ ដោយមិនបង្អង់យូរឡើយ តារាប្រុសរូបនេះ បានតបទៅវិញថា គ្មាននរណាស្គាល់ខ្ញុំផងនៅទីនោះ ទោះបីជាខ្ញុំធ្លាប់ទៅប្រទេសសិង្ហបុរី ជាប្រចាំក៏ដោយ។
ជារម្លឹកដែរថា តារាប្រុសរូបនេះ ធ្លាប់ធ្វើឲ្យប្រហោងពោះម្តងរួចទៅហើយ ដោយគាត់បានបង្ហោះសារថា តើមាននរណាខ្វល់ទេប្រសិនជាគាត់ស្លាប់ គាប់ជួនយប់នោះគឺជាយប់ដែល តារាចម្រៀង Jonghyun សមាជិកក្រុម Shinee បានសម្លាប់ខ្លួនផងដែរ ប៉ុន្តែក្រោយមក តារាប្រុសរូបនេះ បានលុបរូបស្ទើរតែ ពាក់កណ្តាលនៅក្នុង Instagram ចោលផងដែរ៕
សូមចូលមើលរូបភាពខាងក្រោម៖