ក្រុមយុវជនកូរ៉េ ៥០នាក់ រួមគ្នាច្រៀងបទ Power របស់ EXO ដើម្បីលើកទឹកចិត្តមនុស្សទូទាំងពិភពលោក (មានវីដេអូ)

កូរ៉េខាងត្បូង៖ ក្រុមចម្រៀង EXO ជាក្រុមចម្រៀងដែលទទួលបាន ការគាំទ្រច្រើនពីចំណាក់ហ្វេនៗដែលជាយុវវ័យ ទាំងក្នុងនិង​ក្រៅប្រទេស បើទោះបីពេលនេះ ក្រុមចម្រៀងមួយនេះ មានសមាជិកមួយចំនួន បានចាកចេញពីក្រុមក៏ដោយ ក៏ EXO នៅតែមានឈ្មោះល្បីល្បាញដដែល។

កាលពីពេលថ្មីៗនេះ យុវជន និងយុវតី ដែលជាអ្នកគាំទ្ររបស់ក្រុម EXO ចំនួន ៥០នាក់ បានចាប់ដៃគ្នាច្រៀងចម្រៀងរបស់ EXO បទ Power ព្រមគ្នា អ្នកខ្លះអាចលេងភ្លេងបានយ៉ាងល្អ ស្ដាប់ទៅពីរោះ ទោះបីជាមានគ្នាច្រើនក៏ដោយ។

យ៉ាងណាមិញ មូលហេតុដែលពួកគេ ចាប់ដៃគ្នាច្រៀងបទ​ Power ដោយសារ ពួកគេមិនអាចចេញទៅក្រៅ ដូចកាលពីមុនបាន តាំងពីផ្ទុះជំងឺកូវីដ-១៩។ ហើយពួកគេច្រៀងបទនេះ ក៏ដើម្បីចង់លើកទឹកចិត្តដល់ មនុស្សគ្រប់គ្នា ឲ្យមានកម្លាំងចិត្ត ក្នុងការតស៊ូជាមួយគ្នាផងដែរ៕

សូមទស្សនារូបភាព និង វីដេអូខាងក្រោម៖