ភ្នំពេញ៖ ទស្សិកជនទាំងគ្នាដែលនិយមគាំទ្របទចម្រៀង ប្រាកដជាបានស្គាល់ច្បាស់ជាក្រុមតារាចម្រៀងប្រុសដែលមានឈ្មោះថា Mustache មានសមាជិកសរុប៥នាក់ សុទ្ធតែមានជំនាញផ្សេងៗគ្នារៀងខ្លួន និងថែមទាំងមានរូបរាងសង្ហាមិនចាញ់គ្នាប៉ុន្មានឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ក្រុមចម្រៀងប្រុសនេះ មានភាពល្បីល្បាញយ៉ាងខ្លាំងក្នុងស្រទាប់យុវវ័យ ដោយសារតែបទចម្រៀងដែលពួកគេបាននិពន្ធគឺមានលក្ខណៈពីរោះប្លែកពីគេតែម្តង ដោយបទដំបូងបង្អស់ដែលធ្វើឲ្យគេស្គាល់ក្រុមនេះច្បាស់តែម្តងគឺ បទចម្រៀង «មនុស្សប្រុសម្នាក់នេះសំខាន់នៅពេលណា» ដែលបានបង្ហោះដោយក្រុម Mustache ផ្ទាល់តែម្តងក្នុងឆ្នាំ២០១៦។
យ៉ាងណាមិញលោកចេន ដែលជាសមាជិកនៅក្នុងក្រុម បានបង្ហោះសារនៅក្នុងគណនី Instagramថា៖
២១.០៤.២០» ... អាយុកាល វង់ភ្លេង Mustache ត្រូវបានបិទទំព័រ ខ្ញុំនៅតែបន្តដំណេីរទៅមុខម្នាក់ឯងទៀត ទាំងអស់គ្នាកុំបារម្មណ៍ មិនបានឈប់សម្រាកពីតន្ត្រីឡេីយ សូមអ្នកទាំងអស់គ្នាសប្បាយចិត្តណា នៅតែក្បែរកំដរអ្នកទាំងអស់គ្នាដូចដេីម
បន្ទាប់ពីតារាប្រុសរូបនេះបានបង្ហោះសារដូច្នេះ តារាចម្រៀង អ៊ុង សុរិយា បានសរសេរសារដែលលើកទឹកឲ្យក្រុមមួយនេះបន្តធ្វើការជាមួយគ្នាតទៅទៀត ព្រោះទំរាំពួកគេឈានមកដល់ចំណុចមួយនេះគឺមិនមានភាពងាយស្រួលនោះឡើយ៖
បងសុំផុសប្រាំរូបនេះដើម្បីអោយប្អូនៗក្រឡេកថយក្រោយបន្តិច ហើយបងចង់ឲ្យប្អូនៗថយក្រោយម្នាក់ប្រាំជំហាន រួចសូមគិតពីជំហានទាំងនោះឲ្យបានម៉ត់ចត់។
១. ពេលចាប់ផ្តើមដំបូងបំផុត អ្វីទៅជាគម្រោងការក៏ដូចជាមហិច្ឆតារបស់ក្រុម Mustache?
២. បានធ្វើការប្តេជ្ញាចិត្តជាមួយគ្នាយ៉ាងម៉េចខ្លះ?
៣. តើពេលជួបឧបសគ្គធំជាងគេដំបូងនៅក្នុងក្រុម តើបានធ្វើអីដើម្បីយកឈ្នះវា?
៤. ធ្លាប់ដែលសន្យាថា “ទោះមានរឿងអីយើងនឹងមិនចាកចោលគ្នាទេ”?
៥. ធ្លាប់គិតថាក្រុមនឹងមានអ្នកគាំទ្រច្រើនបែបនេះទេ?
បងនៅជាមួយប្អូនៗតាំងពីក្រុមរៀបហ្នឹងបង្កើត ហើយបងក៏មានមោទនៈភាពដែលឃើញសន្ទុះ នៃការគាំទ្រចំពោះក្រុមរបស់ប្អូនៗ។ បងក៏តែងតែសង្ឃឹមថាក្រុមប្អូន(នឹងក្រុមតន្ត្រីផ្សេងៗទៀត នឹងបន្តឈរជាគំរូ ក៏ដូចជាកម្លាំងចិត្តឲ្យប្អូនៗ ជំនាន់ក្រោយឲ្យមានទឹកចិត្ត និងភាពជឿជាក់ក្នុងការបង្កើតក្រុមតន្ត្រី។
បងសង្ឃឹមថាសមាជិក Mustache ទាំងអស់នឹងគិត ហើយរៀនចេះបន្ទាបខ្លួនចំពោះគ្នាទៅវិញទៅមក។ ត្រូវដឹងថាយើងទាំងអស់គ្នានៅមានកាតព្វកិច្ចជាច្រើនទៀតដើម្បីធ្វើសំរាប់សិល្បះរបស់ប្រទេសយើង។ កុំទាន់ចុះចាញ់ ហើយបន្តដើរទៅមុខជាមួយគ្នា។ ដោយក្តីស្រលាញ់ពីបង សូរិយា #SaveMustache
គួរបញ្ចាក់ថាហ្វេនជាច្រើនក៏បានបញ្ចេញគាំទ្រសាររបស់តារាចម្រៀង អ៊ុង សុរិយា ផងដែរ ដែលមានលើកទឹកចិត្តដល់ក្រុមចម្រៀង Mustache ក្នុងនាមជាសិល្បៈរៀមច្បមមួយរូបដែលមានបទពិសោធន៍យូរឆ្នាំមកហើយក្នុងវិស័យសិល្បៈ ជាងនេះទៅទៀត អ្នកគាំទ្រភាគច្រើនបានសរសេរពាក្យ #SaveMustache ដើម្បីលើកទឹកចិត្តសមាជិក្នុងក្រុមទាំងមូលផងដែរ៕
សូមចូលមើលរូបភាពខាងក្រោម៖
Bong I.T