កូនស្រី Noey ទើបតែកើតទេ តែមានមុខមាត់គួរឲ្យក្នាញ់ណាស់ មិនខុសពីម៉ាក់ៗបន្តិចសោះ

ថៃ៖ ប្រិយមិត្តមួយចំនួន ប្រហែលជាបានជ្រាបរួចមកហើយថា កាលពីថ្ងៃទី ០២ ខែមេសា កន្លងទៅនេះ តារាសម្តែងស្រី ដែលនិយមដើរតួឈ្នានីស និងតួកាច ក្នុងពិភពភាពយន្តថៃ នាង Noey Chotika  បានសម្រាលកូនទីពីរ ដែលជាកូនស្រី បានដោយសុវត្ថិភាពផងដែរ។

ជាមួយគ្នានេះ បើតាមការមើលឃើញតាមរយៈ គណនី Instagram  របស់តារាស្រីរូបនេះ ប៉ុន្មានកន្លងទៅថ្ងៃនេះ គេឃើញថា នាងបានបង្ហោះរូបភាព ជាច្រើនសន្លឹកនៅមន្ទីរពេទ្យ ជាមួយនឹងភាពកក់ក្ដៅ ដោយមានវត្តមាន របស់ស្វាមី និងកូន របស់នាង ដែលពិតជាមានមុខមាត់ស្អាត មើលទៅគួរឲ្យក្នាញ់ មិនចាញ់ប៉ាម៉ាក់ គេប៉ុន្មាននៅទេ។

ទន្ទឹមនឹងនេះ ជាមួយនឹង ការទទួលបានសមាជិកថ្មី ថែមម្នាក់ទៀតក្នុងគ្រួសារ ដ៏កក់ក្ដៅមួយនេះផងដែរ យើងឃើញមានបណ្ដាហ្វេនៗ ដែលស្រលាញ់គាំទ្រ តារាស្រីរូបនេះ ពិសេសមិត្តភក្ដិ ដែលស្ថិតក្នុងចង្កោមសិល្បៈ ថៃដូចគ្នា បាននាំគ្នាចូលរួមត្រេកអរ ជូនពរឲ្យសុខភាពរឹងមាំ និងកោតសរសើរ អំពីរូបសម្បត្តិរបស់កូន នាងជាច្រើនផងដែរ។

ទស្សនារូបភាពខាងក្រោម៖