កូរ៉េខាងត្បូង ៖ ពិតជាគួរឲ្យរន្ធត់ចិត្តខ្លាំងណាស់ តារាសម្ដែងស្រីល្បីឈ្មោះ និងជាអតីតសមាជិកក្រុមចម្រៀង KARA នាង Kang Ji Young ត្រូវបានរាយការណ៍ថា បានជួបគ្រោះថ្នាក់ចរាចរណ៍ ខណៈពេលដែលនាងកំពុងធ្វើដំណើរ ត្រឡប់មកពីកន្លែងថតវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរបាយការណ៍ពីអ្នកយកព័ត៌មានម្នាក់ បានបញ្ជាក់ថា ៖
Kang Ji Young បានជួបគ្រោះថ្នាក់ចរាចរណ៍ នៅពេលដែលត្រឡប់មកពី ការថតរឿង «Late Night Snacking Boy and Girl» វិញកាលពី វេលារំលងអធ្រាត្រឈានចូលថ្ងៃទី ១ ខែមេសា។
យ៉ាងណាមិញ មូលហេតុដែលបង្កឲ្យមាន នៅគ្រោះថ្នាក់ចរាចរណ៍នេះ ក៏ព្រោះតែភាគីម្ខាងទៀត ដែលជាជនបង្កហេតុ បានបើកបរក្នុងស្ថានភាពស្រវឹង ថែមទាំងបានបើកបំពាន ភ្លើងសញ្ញាចរាចរណ៍ ដែលជាហេតុធ្វើឲ្យឡានរបស់តារាស្រី Kang Ji Young ជ្រុលទៅបុកមួយទំហឹងបែបនេះ។
បន្ទាប់ពីមានហេតុការណ៍នេះហើយ ខាងភ្នាក់ងាររបស់ តារាសម្តែងស្រី Kang Ji Young ក៏បានចេញមកបញ្ជាក់ ពីស្ថានភាពរបស់នាងថា ពេលនេះនាងមិនមានអ្វីធ្ងន់ធ្ងរនោះទេ ហើយនាងក៏ត្រូវបានអនុញ្ញាត ឲ្យចេញមកសម្រាកនៅផ្ទះរួចរាល់ហើយដែរ ក៏ប៉ុន្តែចំពោះស្ថានភាពពេលនេះ គឺត្រូវតម្រូវឲ្យមានការតាមដាន និងព្យាបាលជាប្រចាំបន្តទៅទៀត។ ដូច្នេះហើយ សម្រាប់ស្ថានភាពបច្ចុប្បន្ន Kang Ji Young នៅមិនទាន់អាចវិលត្រឡប់ ទៅថតរឿងវិញបានភ្លាមៗឡើយ៕
ទស្សនារូបភាពខាងក្រោម ៖
Bong I.T