បរទេស៖ បន្ទាប់ពី បានឈរជើង ក្នុងវិស័យបង្ហាញម៉ូត អស់រយៈពេលជាច្រើនឆ្នាំ ហែរឆ្លងកាត់បទពិសោធន៍ មានទាំងជោគជ័យ និងបរាជ័យជាច្រើន រួចមក លោកយាយDaphne Self នៅតែអាចរក្សាកេរ្តិ៍ឈ្មោះ និងអាចរកចំណូលយ៉ាងច្រើន ពីក្នុងវិស័យមួយនេះ បានដដែល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង នៅក្នុងឆ្នាំ២០១៤ លោកយាយDaphne Self ក៏ត្រូវបានទទួលស្គាល់ដោយ Guinness ជាផ្លូវការ ថាជាតារាបង្ហាញម៉ូត ដែលមានវ័យ ចំណាស់បំផុតលើលោក។ ដោយសារក្តីស្រលាញ់ ទោះបីជា ឈានដល់វ័យ៩១ឆ្នាំទៅហើយ ក៏លោកយាយ មិនព្រមបោះបង់ចោល អាជីពមួយនេះដែរ។
គួរបញ្ជាក់ផងដែរថា តារាបង្ហាញម៉ូតសញ្ជាតិអង់គ្លេស ដែលមានបទពិសោធន៍ជាង ៧០ឆ្នាំ រហូតមកទល់ពេលបច្ចុប្បន្ន នៅតែអាចរក្សានៅកេរ្តិ៍ឈ្មោះ ល្បីល្បាញក្នុងវិស័យនេះ បានរឹងមាំដដែល និងតែងតែបានបង្ហាញខ្លួន ជាច្រើនដងលើក្រប នៃទស្សនាវដ្តីដ៏ល្បីVogue ថែមទៀត ។ មិនតែប៉ុណ្ណោះ កាលពីពេលថ្មីៗនេះ លោកយាយ Daphne Self ក៏ទើបតែទទួលបានពាន់រង្វាន់ ពីម្ចាស់ក្សត្រី នៃប្រទេសអង់គ្លេសសម្រាប់ ការទឹកចិត្តចូលរួម ក្នុងវិស័យបង្ហាញម៉ូតនេះផងដែរ៕
Bong I.T