ឥឡូវនេះអតិថិជន កាល់តិច អាចទូទាត់ប្រាក់តាមរយៈកម្មវិធីស្មាតហ្វូនវីង!

ភ្នំពេញ៖ ធនាគារឯកទេស វីង (ខេមបូឌា) លីមីតធីត និងក្រុមហ៊ុន ឈេហ្វរ៉ុន(ខេមបូឌា) លីមីធីត បានចាប់ដៃគ្នាដើម្បីជួយសំរួលដល់អតិថិជនឲ្យកាន់តែងាយស្រួល នៅតាមស្ថានីយសេវាកម្មកាល់តិច។

ចាប់ពីពេលនេះតទៅ អ្នកបើកបរទាំងអស់អាចប្រើកម្មវិធីស្មាតហ្វូនវីង ដើម្បីទូទាត់ប្រាក់តាមប្រព័ន្ធឌីជីថល នៅតាមស្ថានីយកាល់តិចបានហើយ។ ក្រោមកិច្ចសហការនេះ ស្ថានីយ​កាល់តិចទាំងអស់ដែលបើកដំណើរការដោយក្រុមហ៊ុន ឈេហ្វរ៉ុន (ខេមបូឌា) លីមីធីត ​នឹងដាក់ឲ្យប្រើប្រាស់​នូវសេវាកម្មទូទាត់ប្រាក់ តាមបច្ចេកវិទ្យាឌីជីថលចុងក្រោយបំផុតរបស់វីង។ ទាំងនេះមានន័យថា អតិថិជនអាចបង់ថ្លៃប្រេងឥន្ឋនៈ ថ្លៃទំនិញ និងសេវាកម្មផ្សេងៗ និងហាងកាហ្វេផ្លាស់  នៅតាមស្ថានីយកាល់តិចតាមរយៈកម្មវិធីស្មានហ្វូនវីង ដោយលោកអ្នកគ្រាន់តែប្រើចុងម្រាមដៃចុចពីរ ឬបីដងលើទូរស័ព្ទរបស់អ្នកតែប៉ុណ្ណោះ។​

លោក ម៉ានូ រ៉ាចាន់ អគ្គនាយកនៃធនាគារឯកទេសវីងបានមានប្រសាសន៍ថា៖

ក្នុងរយៈពេល១១ឆ្នាំកន្លងមកនេះ វីងបានក្លាយជាក្រុមហ៊ុនដែលមានស្លាកយីហោមួយ ដែលត្រូវបានគេទទួលស្គាល់និងទុកចិត្ត​បំផុត ក្នុងការផ្តល់ជូនសេវាកម្មទូទាត់ប្រាក់តាមទូរស័ព្ទចល័ត​ និងអេឡិចត្រូនិច ដែលបានកំពុងបំរើជូនដល់អតិថិជនជាង៥លាននាក់ និងជីវករជិត៤ម៉ឺននាក់។ ឥឡូវនេះសេវាកម្មវីង ត្រូវបានប្រើប្រាស់ដោយអតិថិជនកម្ពុជារាប់ចាប់ពីអាជីករលក់ដូរតាមផ្សារ​ រហូតដល់ការទូទាត់តាម Mastercard, Western Union, MoneyGram, Wechat, និង Alipay ជាដើម។

លោក Daniel​ Hwang ប្រធានផ្នែកផលិតផលនៃក្រុមហ៊ុន ឈេហ្វរ៉ុនកម្ពុជា បានមានប្រសាសន៍ថា៖​

ក្រុមហ៊ុន ឈេហ្វរ៉ុន (ខេមបូឌា) លីមីធីត បានអភិវឌ្ឍខ្លួនយ៉ាងឆាប់រហ័សចាប់តាំងពីចូលទីផ្សារកម្ពុជាក្នុងឆ្នាំ១៩៩៥។ ឥឡូវនេះក្រុមហ៊ុនឈេហ្វរ៉ុន នៅកម្ពុជាបានដាក់ឲ្យដំណើរការស្ថានីយកាល់តិចចំនួន ២៨ កន្លែងនៅក្នុងប្រទេស ក្នុងនោះ១៨ស្ថានីយស្ថិតនៅក្នុងរាជធានីភ្នំពេញ។ ទន្ទឹមគ្នានេះដែរ ក្រុមហ៊ុន ឈេហ្វរ៉ុន(ខេមបូឌា) លីមីតធីត បានដាក់ឲ្យដំណើរការផ្សារស្តារម៉ាតចំនួន១៧ និងហាងកាហ្វេចំនួន២២ រួមទាំងកន្លែងប្តូរប្រេងម៉ាស៊ីន ៣​ កន្លែងនៅទូទាំងព្រះរាជាណាចក្រកម្ពុជាផងដែរ។

ស្ថានីយសេវាកម្មកាល់តិចចំនួន៨សាខានៅទីក្រុងភ្នំពេញ បានចាប់ផ្តើមដាក់ដំណើរការប្រើប្រាស់សេវាទូទាត់ប្រាក់ តាមប្រព័ន្ធឌីជីថលរបស់វីងរួចរាល់ហើយ ខណៈពេលស្ថានីយផ្សេងទៀតនឹងត្រូវបានដាក់ដំណើរការឆាប់ៗ។ អ្នកបើកបរយានយន្តអាចស្វែងរកស្ថានីយដែលបំរើសេវាកម្មនេះ តាមទីកន្លែងដូចជា សាខាពោចិនតុង សាខាជ្រោយចង្វា សាខាកែងផ្លូវព្រះមុនីវង្ស សាខាផ្លូវព្រះសីហនុ សាខាបូកគោ សាខាជិតមន្ទីពេទ្យកាល់ម៉ែត សាខាចាក់អង្រែក្រោម សាខាបឹងត្របែក និង សាខាពេទ្យលោកសង្ឃ។​

ទាំង វីង និងឈេហ្វរ៉ុនកម្ពុជា សុទ្ធតែមានចក្ខុវិស័យដូចគ្នា ក្នុងការធ្វើឲ្យប្រសើរឡើងនៅជីវិតរស់នៅប្រចាំថ្ងៃរបស់ជាជនកម្ពុជា តាមរយៈការផ្តល់ជូនដំណោះស្រាយប្រកបដោយភាពច្នៃប្រឌិត។​ វីង បានក្លាយខ្លួនជាធនាគារដែលមានស្លាកយីហោមួយ ដែលបានផ្តល់សេវាផ្ទេប្រាក់ប្រកបដោយភាពងាយស្រួល និងមានការធានា ដែលអាចធ្វើប្រតិបត្តិការតាមរយៈកម្មវីធីស្មាតហ្វូនវីង និងជាមួយភ្នាក់ងារវីងជាង ៧,៥០០​ កន្លែងទូទាំងប្រជាណាចក្រកម្ពុជា។​ ជាមួយគ្នានេះដែរ ឈេហ្វរ៉ុននៅកម្ពុជា ត្រូវបានគេទទួលស្គាល់ជាក្រុមហ៊ុនដែលមានបណ្តាញស្ថានីយប្រេងឥន្ឋនៈ ដែលស្អាតមានអនាម័យប្រកបដោយសុវត្ថិភាព ដែលផ្តល់ជូនសេវាកម្មតាមបែបទាន់សម័យ និងទំនើបប្រកបដោយការគោរព និងបំរើអតិថិជនបានយ៉ាងល្អប្រសើរ៕