ភ្នំពេញ៖ ភាពភ្ញាក់ផ្អើលនៃទូរស័ព្ទវៃឆ្លាតលំដាប់កំពូល OPPO Find X2 Pro 5G មិនទាន់ថមថយនៅឡើយនោះទេ បន្ទាប់ពីបានចេញលក់ជាផ្លូវការកាលពីពេលថ្មីៗនេះ ជាពិសេសគឺនៅក្នុងទីផ្សារប្រទេសកម្ពុជាតែម្តង។ 

យើងសង្កេតឃើញថា Find X2 Pro 5G កំពុងមានប្រជាប្រិយភាពខ្លាំងពីសំណាក់អ្នកប្រើប្រាស់ ដោយសាររូបរាង អេក្រង់ល្អឯក បច្ចេកវិទ្យា5G និងជាពិសេសគឺសមត្ថភាពកាមេរ៉ាមុខក្រោយរបស់វាតែម្តង។

បើនិយាយអំពីសមត្ថភាពនៃការចាប់យកកំរិតពណ៌ ការបែងចែកប្លង់រូបភាព ភាពរហ័សរហួនក្នុងការចាប់យកចំណុច Focus ការថតរូបកំរិតច្បាស់ 12Bit​ True Capture និងផលិតចេញជារូបដើម File RAW ទំហំធំ សម្រាប់យកទៅឌីហ្សាញ​ Find X2 Pro 5G គឺជាជម្រើសល្អបំផុត។

តួយ៉ាងស្មាតហ្វូនលំដាប់កំពូល OPPO Find X2 Pro 5G ទទួលបានកំរិតពិន្ទុសរុបរហូតដល់ ១២៤ ស្មើនឹងចំណាត់ថ្នាក់លេខ​ ១ ក្នុងតារាងធ្វើតេស្តដាក់ពិន្ទុចំណាត់ថ្នាក់សមត្ថភាពកាមេរ៉ាទូរស័ព្ទទាំងអស់ ពីស្ថាប័នវេបសាយ DXOMARK ចុះផ្សាយកាលពីពាក់កណ្តាលខែមីនានេះ។

វីដេអូ 

ការធ្វើតេស្តសមត្ថភាពនេះ ត្រូវបានអនុវត្តតាមរយៈការយក Find X2 Pro 5G ថតរហូតដល់លើស ១,៦០០រូប និង វីដេអូលើស ២ ម៉ោង ទាំងនៅក្នុងបន្ទប់តេស្តផ្ទាល់ និងខាងក្រៅ។

ការធ្វើតេស្ត និងប្រើប្រាស់កាមេរ៉ាបានបញ្ជាក់ឲ្យឃើញថា OPPO Find X2 Pro 5G មានសមត្ថភាពយ៉ាងល្អឥតខ្ចោះ ជាពិសេសនៅផ្អែក Auto Focus ដែលធ្វើការបានយ៉ាងរហ័ស លឿន និងអាចប្រើប្រាស់បានទាំងការថតរូបសន្លឹក និងថតវីដេអូ ដោយសារតែលើកនេះ OPPO បានធ្វើការសហការណ៍ជាមួយ Sony ដើម្បីបំពាក់នូវប្រភេទ សេនស័រធំជាងគេគឺ Sony IMX 689 បំពាក់បច្ចេកវិទ្យាទំនើបប្លែកគេមួយឈ្មោះថា All Pixel-Omni Directional PDAF មានសមត្ថភាពគណនាគ្រប់ចំណុចភិកសែលនៃរូបទាំងមូល ឲ្យទៅជាចំណុច Focus រួចជាស្រេចតែម្តង។

OPPO Find X2 Pro 5G

ចំណុចលេចធ្លោបន្ទាប់គឺ ការថតវីដេអូដែលអាចរក្សាបាននូវលំនឹង រលូន កាត់បន្ថយភាពរង្គើ រំញ័រ​ បានយ៉ាងល្អគ្មានប្រៀប ដោយសារតែមុខងារទប់លំនឹង Ultra-Steady Video Pro និងជំនួយពីលេនកាមេរ៉ាប្លង់ទូលាយកំរិតធំ 48MP ហើយគុណភាពវីដេអូទៀតសោត ក៏ស្រស់ស្អាតពណ៌ធម្មជាតិ ដោយសារតែមុខងារ LIVE HDR ដែលមានមកស្រាប់។ ចំណុចល្អដែលមិនសសើរមិនបាននោះគឺ សមត្ថភាពក្នុងការចាប់យក និងបែងចែងពណ៌នៃរូបភាព ព្រោះលោកអ្នកនិងទទួលបាននូវកំរិតពណ៌ពិតៗដូចធម្មជាតិ និងការកំណត់កំរិតពណ៌ ស បានយ៉ាងល្អ ទាំងនៅក្នុងទីតាំងខាងក្រៅពេលថ្ងៃ និងនៅក្នុងទីតាំងម្លប់ នេះក៏អាចដោយសារតែកំរិតបង្ហាញពណ៌របស់អេក្រង់វា បានរហូតដល់ទៅកំរិត 10Bit ដែលគិតទៅគឺលើស ១ពាន់លានពណ៌ទៅទៀត ហើយបើប្រៀបធៀបជាមួយ អេក្រង់ទូរស័ព្ទដទៃ គឺលើសរហូតដល់ ៦៤ ដង។

ជាការពិត នេះនៅមិនទាន់អស់សមត្ថភាពដែលមានបំពាក់ជាមួយកាមេរ៉ាដ៏ឆ្លាតវៃ របស់ OPPO Find X2 Pro នៅឡើយទេ។ យើងមិនទាន់បាននិយាយដល់សមត្ថភាពថតរូបពង្រីក Hybrid Zoom ជំនាន់ទី ២ និង សមត្ថភាពថតរូបនៅពេលយប់ និង ពេលងងឹតខ្វះពន្លឺ។

OPPO Find X2 Pro 5G

OPPO Find X2 Pro 5G ត្រូវបានរចនាយ៉ាងល្អប្រណីតជាមួយនឹងពីរពណ៌ គឺពណ៌ខ្មៅខាប់ ប្រភេទសេរ៉ាមិចសុទ្ធ និង ពណ៌ទឹកក្រូច ប្រភេទស្បែកគុណភាពខ្ពស់ មិនប៉ះព៉ាល់បរិស្ថាន មានអេក្រង់ល្អផ្តាច់គេ 6.7” Dynamic AMOLED កំរិតបង្ហាញរូបភាព QHD+ 3K (3168 x 1440) ដែលពិសេសបំផុត បង្ហាញកំរិតពណ៌ដល់ទៅ 10Bit លើសពី១ពាន់លានពណ៌ និងកំរិតល្បឿនអេក្រង់ 120Hz និងល្បឿនប៉ះសម្គាល់ 240Hz។ ប្រើប្រាស់បន្ទះឈីប 5G ខ្នាតកំពូល Snapdragon 865 អមដោយរ៉េមយក្ស 12GB ប្រភេទ LPDDR5 និងអង្គផ្ទុកទិន្នន័យ 512GB ប្រភេទ UFS3.0 ដំណើរការដោយ ColorOS 7.1 (Android 10) ភ្ជាប់មកជាមួយនឹងមុខងារតន្ត្រីបន្ធូរអារម្មណ៍ OPPO Relax និង កម្មវិធីកែសម្រួលវីដេអូ Soloop2.0 អាចទ្រទ្រង់បច្ចេកវិទ្យា5G មានថាមពលថ្ម 4260mAh ជាមួយនឹងបច្ចេកវិទ្យាសាកថ្មលឿន 65W SuperVOOC2.0 (សាកថ្មពេញ ១០០% ត្រឹម ៣៨នាទី)។ ជាពិសេសមានបច្ចេកវិទ្យាការពារទឹក IP68 ស្កេនក្រយៅដៃលើអេក្រង់សុវត្ថិភាពបំផុត, Wi-Fi ជំនាន់ទី៦ ទាញល្បឿនអ៊ីនធឺណែតលឿនជាងគេ និងបច្ចេកវិទ្យា Dolby Atmos សម្លេងបែប Stereo ពិរោះរណ្តំចិត្ត។

OPPO Find X2 Pro 5G

ដូចនេះលក្ខណៈសម្បត្តិ កំពូលៗ ពិសេសៗខាងលើ យើងអាចសន្និដ្ឋានបានថា OPPO Find X2 Pro 5G  ពិតជាស័ក្តសមទូរស័ព្ទវៃឆ្លាតលំដាប់កំពូលពិតមែន ហើយលោកអ្នកអាចស្វែងរកទិញបានហើយនៅតាមបណ្តាហាងលក់ទូរស័ព្ទទូទាំងប្រទេស ក្នុងតម្លៃត្រឹមតែ ១,២៩៩$ ប៉ុណ្ណោះ។ ប្រសិនបើស្ទាក់ស្ទើរ ហើយចង់សាកល្បងតេស្តសមត្ថភាពពិត OPPO Find X2 Pro 5G នៅទីតាំងរបស់មជ្ឈមណ្ឌលជួសជុលទូរស័ព្ទដៃ OPPO សាខាផ្សារទំនើបអ៊ីអន១ ប្រកបដោយសុវត្ថិភាពបំផុត ព្រោះទូរស័ព្ទត្រូវបានសម្អាតរៀងរាល់ ២ម៉ោងម្តង  Showroom មួយថ្ងៃទី២ដង និងមានទឹកអាល់កុលសម្រាប់លាងសម្អាតដៃ៕ 

រូបភាពដែលថតដោយ OPPO Find X2 Pro 5G
រូបភាពដែលថតដោយ OPPO Find X2 Pro 5G
រូបភាពដែលថតដោយ OPPO Find X2 Pro 5G
រូបភាពដែលថតដោយ OPPO Find X2 Pro 5G
រូបភាពដែលថតដោយ OPPO Find X2 Pro 5G

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ