បរទេស៖ ក្នុងថ្ងៃទី២៧ ខែមីនា Tom Hanks និងភរិយា ត្រូវបានអ្នកគាំទ្រ ប្រទះឃើញ កំពុងបើកឡាន នៅក្នុងរដ្ឋLos Angeles នៃសហរដ្ឋអាមេរិក បន្ទាប់ពីបានបាត់មុខ អស់មួយរយៈពេលធំ ដោយសារតែឆ្លងវីរុសCOVID-19។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមរយៈ រូបភាពមួយសន្លឹក ដែលថតបាននោះ គេសង្កេតឃើញថា ស្វាមីភរិយាមួយគូនេះ មានភាពស្រស់ស្រាយជាងមុន បង្ហាញស្នាមញញឹម បញ្ជាក់ពីក្តីរំភើប បន្ទាប់ពីបានជា សះស្បើយពីជំងឺមួយនេះ។ លើសពីនេះ តារាប្រុសរូបនេះ និងភរិយា ក៏ទើបតែត្រឡប់មកកាន់ សហរដ្ឋអាមេរិក វិញផង បន្ទាប់ពីសម្រាក ព្យាបាលវីរុសCOVID-19 នៅក្នុង ប្រទេសអូស្រា្តលីរួចមក។
គួររម្លឹកផងដែរថា អ្នកទាំងពីរ បានឆ្លងវីរុសCOVID-19 នេះកាលពី ដើមខែមីនា បន្ទាប់ពី Hanks និងWilson បានទៅប្រទេសអូស្រា្តលី ដើម្បីថតខ្សែភាពយន្តអំពី Elvis Presley មួយរយៈក្រោយមក ក៏បានបង្ហាញរោគសញ្ញា គ្រុនក្តៅក្អក ហើយក្នុងពេលនោះ អ្នកទាំងពីរ ក៏បានធ្វើតេស្តវិជ្ជមាន លើវីរុស COVID-19 នេះ៕
Bong I.T