Camila Cabelloនិង Shawn Mendes រត់ចោលផ្ទះសម្បែង ស្របពេលវីរុសCovid-19 កំពុងតែវាយលុកខ្លាំង (មានវីដេអូ)

បរទេស៖ អ្នកណាដែលមិនដឹងពីទំនាក់ទំនងស្នេហាដ៏ស្អិតរមួត របស់តារាចម្រៀងទាំងពីរដួងគឺ​ Camilo Cabellaនិង Shawn Mendes។ ជាការពិតណាស់ តារាទាំងពីរដួងនេះ មានភាពល្បីល្បាញយ៉ាងខ្លាំងដោយសារតែចម្រៀងពួកគេនីមួយៗគឺមានលក្ខណៈពីរោះរណ្តំចិត្ត និងកម្រិតនៃការផលិតវីដេអូវិញគឺមានលក្ខណៈច្បាស់ល្អ មិនត្រឹមតែប៉ុណ្ណោះ ការសម្តែងវិញ គឺមានភាពសុីចង្វាក់គ្នាយ៉ាងខ្លាំងជាមួយបទចម្រៀងនីមួយៗផងដែរ។

ជាក់ស្តែងថ្មីៗនេះ ដោយសារតែសន្ទុះនៃការឆ្លងវីរុសCovid-19 មានការកើនឡើងខ្លាំងពេក កំពូលមហាមិត្តទាំងពីរនេះមិនដឹងថាត្រូវទៅណាល្អ ក៏បានសម្រាកច្រៀងចម្រៀងជាមួយគ្នាជាច្រើនបទបន្តបន្ទាប់គ្នា ដោយ Shawn Mendes ជាអ្នកលេងហ្គីតាផងនិង ច្រៀងផង រីឯ Camilo Cabella វិញគឺច្រៀងសុទ្ធតែម្តង។

ក្រោយពីមហាជនបានឃើញសកម្មភាពដ៏សែនស្អិតរមួតរបស់តារាទាំងពីរនេះ ធ្វើឲ្យមហាជនមានការស្រពេចស្រពិលយ៉ាងខ្លាំង ដោយសារប៉ុន្មានអាទិត្យមុននេះ Camilo Cabella បានសារភាពថា ធុញទ្រាន់និង Shawn Mendes ខ្លាំងណាស់ ស្រាប់ពេលនេះវិញ គឺខុសផ្ទុយពីការអះអាងលើកមុនផងដែរ៕

សូមទស្សនារូបខាងក្រោមទាំងអស់គ្នា៖