នាង Emma Watson តារាភាពយន្តរបស់អង់គ្លេស វ័យ២១ឆ្នាំ រាងតូចច្រឡឹង និងមានមន្តស្នេហ៍ បានមកដល់ទីក្រុងហុងកុង ខណៈដែលការធ្វើដំណើរលើកនេះ នាងគឺជាឯកអគ្គរដ្ឋទូតថ្មីរបស់ក្រុមហ៊ុនថែរក្សាសម្ផស្សឡាំងកូម (Lancome) ហើយក៏ជាការធ្វើដំណើរលើកទី២របស់នាងមកកាន់ទីក្រុងហុងកុងនេះ ។
តារារូបស្រស់ប្រិមប្រិយ៍រូបនេះបាននិយាយថា នាងតែងតែធ្វើដំណើរមកកាន់ទ្វីបអាស៊ី ព្រោះជាតំបន់ដែលប្លែកអស្ចារ្យ និងមានវប្បធម៌ ប្រវត្តិសាស្ត្រដ៏គួរឱ្យចាប់អារម្មណ៍បំផុត ។ នាងបន្តថា នាងស្រឡាញ់ទេសភាពនៅតំបន់នេះ វាហាក់ដូចជាធ្វើឱ្យនាងមានអារម្មណ៍រំភើប ពេលដែលប្រទះភ្នែកនឹងអ្វីៗសព្វបែបយ៉ាងនៅទីនេះ វាជាទីក្រុងជនបទដាច់ស្រយាលមួយ។
ក្នុងឱកាសនោះដែរ នាង Emma ក៏បានផ្តល់នូវយោបល់មួយចំនួនដល់យុវវ័យទាំងអស់ថា «ត្រូវតែប្រាកដថា អ្នកជានរណា ហើយត្រូវតែធ្វើអ្វីៗសព្វបែបយ៉ាងឱ្យល្អបំផុត ដើម្បីមានអារម្មណ៍ថា ស្បែករបស់អ្នកភ្លឺរលោងស្រស់ថ្លា ពេលនោះអ្នកប្រាកដជាពេញចិត្តរូបកាយរបស់អ្នក »។
នៅក្នុងព្រឹត្តិការណ៍នោះដែរ ក្រុមហ៊ុនឡាំងកូម ក៏បានបង្ហាញនូវផលិតផលចុងក្រោយរបស់ខ្លួនដែលបានមកដល់ទីផ្សាអាស៊ីផងដែរ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]