សល់លុយរាប់លានយ៉ាងណាក៏ Bruno Mars តែងខ្លួនធម្មតាៗ មកទិញម៉ូតូ Vespa ទុកឌុបសង្សារដើរលេង

បរទេស៖ អ្នកណាដែលថាមិនស្គាល់កំពូលតារាចម្រៀងសម្លេងផ្អែមដូចស្ករ និងច្រៀងប្រើតុងខ្ពស់ ដែលកម្រនឹងមានតារាចម្រៀងណាអាចធ្វើដូចបានណាស់ ដែលគាត់មានឈ្មោះថា Bruno Mars។

Bruno Mars គឺជាតារាចម្រៀងមួយរូបដែលទទួលបានប្រជាប្រិយភាពយ៉ាងខ្លាំងចាប់តាំងពីគាត់ចូលសិល្បៈជាលើកដំបូងរហូតដល់បច្ចុប្បន្ន ដែលគាត់មានទេពកោសល្យពិសេសក្នុងវិស័យសិល្បៈ ដូច្នេះហើយទើបតារាប្រុសរូបនេះអាចរកប្រាក់សរុបបាន១៧៥លានដុល្លារហើយមកទល់ពេលនេះ។

ជាក់ស្តែងថ្មីៗ គេឃើញតារាប្រុសនេះ បានបណ្តើរសង្សារបណ្តូលចិត្ត ជាតារាបង្ហាញម៉ូតJessica Caban ដើរមើលម៉ូតូVespa នៅទីក្រុងស្ទូឌីយ៉ូ យ៉ាងរំភើយជាមួយនឹងសម្លៀកបំពាក់ធម្មតាអាវរងារ ខោជើងវែងនិង វែនតាខ្មៅ ដែលនេះជាចរិកធម្មជាតិ របស់គាត់ដែលចូលចិត្តតែភាពសាមញ្ញ ទោះជាសល់លុយច្រើនសន្ធឹកសន្ធាប់រហូតដល់ថ្នាក់ចាយវាយមិនអស់ទៅហើយក្តី។

គួររំលឹកដែរថាBruno Marsនិង សង្សារ បានទាក់ទងគ្នារយៈពេលប្រមាណ៩ឆ្នាំរួចមកហើយ ដែលទំនាក់ទំនងពួកគេមិនដែលមានភាពរកាំរកូសម្តងណាឡើយ៕

សូមទស្សនារូបភាពខាងក្រោម៖