អង់គ្លេស៖ សង្វៀនវាលស្មៅបាល់ទាត់នៅតែបន្តទៅមុខ ពីមួយសប្តាហ៍ទៅមួយសប្តាហ៍ ជាមួយស្ថានីយទូរទស្សន៍ CBS (CTN, MYTV, CNC) ។ ក្នុងរដូវកាល English Premier League (EPL2019-2020) ក្រុមនីមួយៗបានប្រឹងប្រែង ក្នុងការប្រកួតដណ្តើមភាពឈ្នះ សន្សំពិន្ទុរៀងៗខ្លួន ដើម្បីឈរលើចំណាត់តារាងក្នុងលីគ។ សម្រាប់រដូវកាល EPL2019-2020 ក្រុមរហស្សនាម ហង្សក្រម Liverpool បានកំពុងបង្កើនឥទ្ធិពល វាយសម្រុកលើវាលស្មៅ ទៅលើគូប្រកួតរបស់ខ្លួននីមួយៗ ដោយមិនប្រណី ហើយមិនទាន់មានក្រុមណាអាចធ្វើឲ្យខ្លួន ទទួលបរាជ័យផងដែរក្នុងចំណោមប្រាំប្រកួតចុងក្រោយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចូលមកដល់ចុងសប្តាហ៍នេះ ថ្ងៃសៅរ៍ ទី២៩ ខែកុម្ភៈ ឆ្នាំ២០២០ មានជំនួបពីរប្រកួត គឺ ក្រុមម្ចាស់ផ្ទះ Bournemouth ប៉ះក្រុមភ្ញៀវ រហស្សនាមតោខៀវ Chelsea នៅវេលាម៉ោង១០ យប់ និងមួយគូទៀត ម្ចាស់ផ្ទះ Watford ត្រូវទទួលភ្ញៀវខ្លាំង ហង្សក្រហម Liverpool នៅវេលាម៉ោង ១២:៣០ នាទីរំលងអធ្រាត។
ចំណែកជំនួបមួយគូទៀត ថ្ងៃអាទិត្យ ទី១ ខែមីនា ឆ្នាំ២០២០ ក្រុម Everton ត្រូវបើកកីឡដ្ឋានរបស់ខ្លួន ទទួលស្វាគមន៍ភ្ញៀវក្រុមជើងខ្លាំងកំពុងឈរលើចំណាត់ថ្នាក់លេខ៥លើតារាង បិសាចក្រហម Manchester United នៅវេលាម៉ោង ៩ យប់។
លទ្ធផលសប្តាហ៍មុនទាំងបួនក្រុម៖
- Chelsea 2:0 Tottenham Hotspur
- Burnley FC 3:0 Bournemouth
- Arsenal 3:2 Everton
- Manchester United 3:0 Watford
- Liverpool 3:2 West Ham
ដូច្នេះចុងសប្តាហ៍ពិសេសនេះ រង់ចាំទស្សនាទាំងអស់គ្នានៅស្ថានីយទូរទស្សន៍របស់ CBS (CTN, MYTV, CNC) នឹងផ្សាយបន្តផ្ទាល់ការប្រកួតនេះ រួមទាំងការប្រកួតផ្សេងៗទៀតផងដែរ នោះគឺការផ្សាយបន្តផ្ទាល់គូពិសេសៗនូវក្របខ័ណ្ឌកំពូល La Liga របស់អេស្ប៉ាញ ដោយឈានមកដល់សប្តាហ៍ទី២៦ គឺ ជំនួបក្រុម Valencia ប៉ះនឹង Real Betis នៅថ្ងៃសៅរ៍ ទី២៩ ខែកុម្ភៈ វេលាម៉ោង ១០:០០ យប់ ហើយគូពិសេសមួយទៀត ថ្ងៃអាទិត្យ ទី០១ ខែមីនា ឆ្នាំ២០២០ ជំនួបគូជើងខ្លាំងដ៏ជក់ចិត្តដែលប្រិយមិត្តតែងតែរង់ចាំក្នុងការជួបគ្នា ហើយកំពុងឈរចំណាត់ថ្នាក់លេខ១ និង លេខ២ គឺ Real Madrid ប៉ះ Barcelona FC វេលាម៉ោង ៣ រំលងអធ្រាត ផងដែរ។ សូមប្រិយមិត្ត កុំភ្លេចចូលរួមតាមដានទស្សនាទាំងអស់គ្នា៕