ភ្នំពេញ៖ ម្ចាស់អាជីវកម្មទាំងតូច ទាំងធំមួយចំនួន បានងាកមកផ្ដោតការវិនិយោគច្រើនឡើងៗ ទៅលើការរចនាតុបតែងផ្នែកខាងក្នុងអគារ ដោយពួកគេចាត់ទុកថា សោភ័ណភាព និងផាសុកភាព គឺជាកត្តាសំខាន់ក្នុងការទាក់ទាញអតិថិជន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមការសម្ភាសជាមួយម្ចាស់អាជីវកម្មលេចធ្លោមួយចំនួន នៅរាជធានីភ្នំពេញ សព្វថ្ងៃគេឃើញមាននិន្នាការកើនឡើងក្នុងការស្វែងរកសេវារចនាតុបតែងអគារ ដែលមានវិជ្ជាជីវៈត្រឹមត្រូវសម្រាប់ការតុបតែង និងកែលម្អអាជីវកម្មនានា។
លោក ឆៃយ៉ាន ណាក់វាំង តំណាងមន្ទីរពេទ្យរ៉ូយ៉ាល់ ភ្នំពេញ បានឲ្យដឹងថា មន្ទីរពេទ្យរបស់លោកបានសម្រេចប្រើសេវារចនាឌីហ្សាញរបស់ក្រុមហ៊ុនដែលមានវិជ្ជាជីវៈខ្ពស់ ដើម្បីរចនាតុបតែងផ្នែកព្យាបាលថែទាំជំងឺកុមាររបស់មន្ទីរពេទ្យ។
លោក ឆៃយ៉ាន ណាក់វាំង បាននិយាយដូច្នេះថា ៖
«យើងចង់បានបន្ទប់សម្រាប់ក្មេងៗស្នាក់នៅព្យាបាលហ្នឹង ធ្វើម៉េចឲ្យក្មេងៗមានអារម្មណ៍ថាដូចបន្ទប់គេងរបស់ពួកគេដែរ បន្ទាប់មក ខាង SCG interior solution យកគំនិតហ្នឹងទៅ design ចេញជាប្លង់ ហើយលទ្ធផលចេញមក គឺគួរជាទីពេញចិត្តមែនទែន»។
ដោយមើលឃើញឱកាសពីកំណើនសេដ្ឋកិច្ចរបស់ប្រទេសកម្ពុជា ជាពិសេសវិស័យសំណង់ដ៏រឹងមាំនៅក្នុងប្រទេសនេះ ក្រុមហ៊ុនផលិតស៊ីម៉ងត៍ និងគ្រឿងសំណង់ដ៏ធំមួយរបស់ថៃ ក្រុមហ៊ុន SCG បានបង្កើតធុរកិច្ចថ្មីបន្ថែម គឺ SCG Interior Solution ដើម្បីបំពេញតម្រូវការដែលកើនឡើងរបស់អតិថិជនបច្ចុប្បន្ន។
SCG Interior Solution ចង់ផ្ដល់ដល់ម្ចាស់លំនៅដ្ឋាន និងគម្រោងសំណង់អគារនូវដំណោះស្រាយផ្នែករចនាតុបតែងខាងក្នុង ដែលសមស្របតាមតម្រូវការពីដំណាក់ដំបូងនៃសំណង់តែម្ដង៕
Bong I.T