តើលោកនូ ឧសភា ពិតជាស្រលាញ់ កញ្ញានៅ ម៉ារីសា? ចុះកញ្ញា ហង្ស សុរិយាន់ ម៉េចក៏នៅតែតាមស្រលាញ់លោកនូ ឧសភាទៀត? (មានវីដេអូ)

ភ្នំពេញ៖ បច្ចុប្បន្នមានទស្សនិកជនជាច្រើនបានស្គាល់លោក នូ ឧសភា តាមរយៈបទ «ព្រងើយ» កន្លងមក ដែលមានអ្នកគាំទ្រជាច្រើនផងដែរ ហើយឥលូវនេះលោក ឧសភា មិនត្រឹមតែជាតារាចំរៀងដែលមានសម្លេងពីរោះនោះទេ តែលោកក៏មានសមត្ថភាពសម្តែងក្នុងខ្សែភាពយន្តជាច្រើនផងដែរ។

កញ្ញា នៅ ម៉ារីសា គឺជាតារាសម្តែងមួយរូប ហើយកញ្ញា ម៉ារីសា ក៏ធ្លាប់ជាតួឯកស្រីនៅក្នុងរឿង «ស្រទន់មន្តស្នេហ៍» របស់ស្ថានីយទូរទស្សន៍ CTN កន្លងមកដែរ កញ្ញាបានសម្តែងយ៉ាងល្អឥតខ្ចោះ និងមានទស្សនិកជនជាច្រើនដែលបានស្គាល់កញ្ញា តាមរយៈខ្សែភាពយន្តមួយនោះ ហើយបច្ចុប្បន្ននេះស្ថានីយទូរទស្សន៍ CTN ក៏កំពុងចាក់ផ្សាយខ្សែភាពយន្តអប់រំ «ផ្ទះក្លាហាន9» ដែលមានវត្តមានកញ្ញាជាតួសម្តែងមួយរូបដ៏សំខាន់នៅក្នុងសាច់រឿងទាំងមូល។

ចំណែកកញ្ញា ហង្ស សុរិយាន់ គឺជាតារាបង្ហាញម៉ូតមួយរូប ដែលទទួលបានការគាំទ្រជាច្រើនពីទស្សនិកជនក្នុង និងក្រៅស្រុក ហើយថ្មីៗនេះកញ្ញាក៏បានចូលខ្លួនមកសម្តែងនៅក្នុងខ្សែភាពយន្តភាគ របស់ស្ថានីយ៍ទូរទស្សន៍ CTN ផងដែរ។

ឥលូវនេះស្ថានីយទូរទស្សន៍ CTN បានជ្រើសរើសតារាទាំងបីដួងឲ្យមកសម្តែងរួមគ្នា ក្នុងខ្សែភាពយន្តតែមួយដែលនឹងមានផ្សាយជូនទស្សនាក្នុងពេលឆាប់ៗខាងមុខនេះ។ ចង់ដឹងទេថា តើសាច់រឿងរួមជាមួយសមត្ថភាពក្នុងការសម្តែង  អមដោយបទចំរៀងថ្មីរបស់លោក នូ ឧសភា នៅក្នុងផ្ទៃនៃសាច់រឿង «ផ្កាស្លា» ថ្មីនេះល្អមើលដល់កំរិតណានោះ សូមរង់ចាំទស្សនាខ្សែភាពយន្តភាគខ្មែរថ្មីរបស់ស្ថានីយទូរទស្សន៍ CTN ដែលនឹងមានផ្សាយជូនទស្សនារៀងរាល់ថ្ងៃចន្ទ ដល់ព្រហស្បតិ៍ វេលាម៉ោង៧យប់ នៅ CTN TV ​របស់លោកអ្នកតែមួយគត់៕