ភ្នំពេញ៖ សម្រាប់ដើមឆ្នាំ២០២០ នេះ ស្ថានីយទូរទស្សន៍ MYTV បាននាំមកនូវខ្សែភាពយន្តរឿងភាគល្បីៗ ទាំងនៅក្នុងស្រុក និងក្រៅស្រុក ដែលកំពុងបញ្ចាំងជូនប្រិយមិត្តទស្សនា សុទ្ធសឹងតែភាពយន្តកំពុងមានការគាំទ្រយ៉ាងខ្លាំង ហើយជក់ចិត្ត ដិតអារម្មណ៍ តាមដានគ្រប់ឈុតឆាកនៃសាច់រឿង ហើយថែមទាំងបណ្តែតអារម្មណ៍ បញ្ចូលមនោសញ្ចេតនាតាមតួអង្គនីមួយៗផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. ខ្សែភាពយន្តភាគថៃរឿង «វិញ្ញាណចងពៀរ»
ការទទួលរងភាពទារុណកម្មជីវិត ទាំងផ្លូវកាយ ទាំងផ្លូវចិត្ត ជាកត្តាធ្វើឲ្យចិត្តមួយដក់ជាប់ជាគំនុំ ក្លាយទៅជាវិញ្ញាណចងអាឃាតសងសឹក ចងកម្ម ចងពៀរ គ្នាទៅវិញទៅមក រវាងមនុស្ស និងវិញ្ញាណខ្មោច។
ចាក់ផ្សាយរៀងរាល់ថ្ងៃ ចន្ទ-សុក្រ វេលាម៉ោង ១១ ព្រឹក និងផ្សាយឡើងវិញវេលាម៉ោង ៦ ល្ងាច។
២. ខ្សែភាពយន្តភាគឥណ្ឌារឿង «មន្តស្នេហ៍អ្នកអង្គម្ចាស់សាលីម»
ជីវិតស្នេហា គឺជានិស្ស័យបេះដូងតែមួយ កសាងសុភមង្គលជីវិតគ្រួសារ តែព្រហ្មលិខិតអយុត្តិធម៌ សម្រាប់គូស្នេហ៍ដ៏ស្មោះស្ម័គ្រ រងកម្ម ព្រោះតែរនាំងវណ្ណៈគ្រួសារ ឲ្យទទួលទារុណកម្មឥតមេត្តា រងទុក្ខឈឺផ្សារឥតគណនាក្នុងជីវិត។
ចាក់ផ្សាយរៀងរាល់ថ្ងៃ ចន្ទ-សុក្រ វេលាម៉ោង ១២ ថ្ងៃត្រង់ និង ផ្សាយឡើងវិញវេលាម៉ោង ១០ យប់។
៣. ខ្សែភាពយន្តភាគខ្មែរល្បីរឿង «ក្រោមតំណក់ភ្លៀង»
មនោសញ្ចេតនាកម្សត់ ពោរពេញទៅដោយទឹកភ្នែកហូរជ្រែកផែនថ្ពាល់ ក្លាយជាសោកនាថកម្មជីវិតស្នេហា។ ក្តីស្រឡាញ់ស្មោះសអស់ពីបេះដូងរវាងមនុស្សពីរនាក់ បានសច្ចាស្បថស្បែថានឹងរស់នៅថែរក្សាជីវិតរួមគ្នាលុះអវសាន តែអ្វីៗត្រូវបានរសាត់កាត់ផ្តាច់ឲ្យព្រាត់ប្រាស ព្រោះតែសម្ពាធគ្រួសារ។
នឹងមានការចាក់ផ្សាយរៀងរាល់ថ្ងៃ ចន្ទ-ពុធ វេលាម៉ោង ៨ យប់ ឆាប់ៗនេះ។
៤. ខ្សែភាពយន្តភាគឥណ្ឌារឿង «ព្រះគិស្នា»
ទីណាមានជនអាក្រក់ ទង្វើអាក្រក់ ភាពអយុត្តិធម៌ ទីនោះតែងតែមានព្រះគិស្នា ជាអវតាតួចិត្តបុណ្យ ស្វែងរកយុត្តិធម៌ តតាំងនឹងភាពអាក្រក់ រវាងមនុស្សនិងមនុស្ស រវាងមនុស្សនិងវិញ្ញាណអមនុស្ស។
ចាក់ផ្សាយរៀងរាល់ថ្ងៃ ចន្ទ-ព្រហស្បត្តិ៍័ វេលាម៉ោង ៩ យប់។
ដូច្នេះ សូមទស្សនិកជនតាមដានទស្សនាកម្សាន្តខ្សែភាពយន្តភាគដ៏ល្បីៗ ក្នុងដើមឆ្នាំ២០២០ទាំងនេះ លើកញ្ចក់ទូរទស្សន៍ MYTV ៕