ភ្នំពេញ៖ តារាចម្រៀងស្រី ស៊ឹម ថៃណា ជាតារាមួយរូបដែលប្រឡូក ក្នុងវិស័យសិល្បៈច្រើនឆ្នាំមកហើយ នៅក្នុងផលិតកម្មអឹម មិនត្រឹមតែប៉ុណ្ណោះកន្លងមកតារាស្រីរូបនេះ ក៏ទទួលបានការគាំទ្រជាច្រើន រីឯរូបសម្រស់ក៏ស្រស់ស្អាត បើទោះបីជា នាងរាងមានទ្រលុកទ្រលន់បន្តិចមែន ប៉ុន្តែគេក៏នៅតែឃើញថា នៅតែទទួលបានការគាំទ្រមិនតិចដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងនេះ បើតាមមួយរយៈពេលក្រោយមកនេះ គេឃើញថាតារាស្រីរូបនេះ ហាក់បាត់មុខពីសិល្បៈឈឹង ពោលគឺពុំដែលឃើញមានចេញបទចម្រៀងថ្មីដូចកាលពីមុនឡើយ។
ជាមួយគ្នានេះដែរ កាលពីពេលម្សិលមិញនេះ តាមរយៈគណនីហ្វេសប៊ុករបស់នាងផ្ទាល់ បានបង្ហោះនូវរូបភាពប៉ុន្មានសន្លឹកឃើញថាពិតជាប្លែកជាងមុន ដោយសារតែពេលនេះ តារាស្រីរូបនេះហាក់ស្រកគីឡូជាងមុន ហើយថែមទាំងស្រស់ស្អាតទៀតផង។ ហើយក្នុងនោះដែរ ក៏មានការរៀបរាប់នូវពាក្យពេចន៍មួយចំនួនយ៉ាងដូច្នោះថា៖
គួរបញ្ជាក់ថា ក្នុងពាក្យពេចន៍ដែលតារារូបនេះបានរៀបរាប់ គឺនាងចង់អរគុណដល់អ្នក ដែលធ្លាប់តែមើលងាយនាងដែលពីមុនតារាស្រីរូបនេះធ្លាប់តែមានរូបរាងធាត់ ប៉ុន្តែមកដល់ពេលនេះប្រែជាស្រកគីឡូយ៉ាងស្អាតទៅវិញ៕