Hyun Bin សម្តែងការព្រួយបារម្ភ និងបានសរសេរលិខិតទៅកាន់អ្នកគាំទ្រអំឡុងពេលផ្ទុះវីរុស COVID-19

កូរ៉េខាងត្បូង៖ ថ្មីៗនេះ Hyun Bin បានចែករំលែកការព្រួយបារម្ភ បន្ទាប់ពីមានការកើនឡើងនូវករណីថ្មីនៃវីរុស COVID-19 នៅសប្តាហ៍នេះ។ នៅថ្ងៃទី ២១ ខែកុម្ភៈភ្នាក់ងាររបស់លោក Hyun Bin បានចែករំលែកសំបុតពីតារាសម្តែង  Hyun Bin ផងដែរ។

សូមអានលិខិតរបស់គាត់ខាងក្រោម៖

អ្នកប្រហែលជាកំពុងចំណាយពេលពីមួយថ្ងៃទៅមួយថ្ងៃ ដោយមានការថប់បារម្ភ និងព្រួយបារម្ភអំពីជំងឺ COVID-19  ដែលកំពុងកើតឡើងនៅទូទាំងពិភពលោក និងនៅទូទាំងទ្វីបអាស៊ី រួមទាំងចិន ជប៉ុន ក៏ដូចជាកូរ៉េ។ យ៉ាងហោចណាស់ខ្ញុំចង់សួរពីសុខទុក្ខ និងសុខភាពរបស់អ្នក ថាតើកន្លែងដែលអ្នកនៅមានសុវត្ថិភាពឬអត់?

ដូចអ្វីដែលយើងតែងតែជម្នះការលំបាក ដោយការលើកទឹកចិត្តគ្នាទៅវិញទៅមក ទោះបីមានគ្រាលំបាកក៏ដោយខ្ញុំសង្ឃឹមថាជំងឺ COVID-19 នឹងឆ្លងផុតឱ្យបានលឿនបំផុត។

ខ្ញុំសូមកោតសរសើរដល់អ្នកដែលធ្វើការដោយមិនចេះនឿយហត់ទាំងយប់ទាំងថ្ងៃដើម្បីកំចាត់វីរុស COVID-19នេះ ហើយខ្ញុំនឹងលើកទឹកចិត្តពួកគេរហូតដល់ទីបញ្ចប់។ លើសពីនេះខ្ញុំសូមជូនពរដោយស្មោះនូវការជាសះស្បើយពីអ្នកដែលទទួលរងពីការឆ្លងមេរោគនេះ។

ជាថ្មីម្តងទៀតខ្ញុំសង្ឃឹមថាអ្នកអានទាំងអស់នេះអាចការពារសុវត្ថិភាព និងមានសុខភាពល្អ ហើយខ្ញុំនឹងបន់ស្រន់ឱ្យឆ្លងផុតពីជំងឺនេះដោយសុវត្ថិភាព៕