អង់គ្លេស៖ សប្តាហ៍នេះការប្រកួតបាល់ទាត់ក្របខ័ណ្ឌ English Premier League បានឈានដល់សប្ដាហ៍ដ៏តានតឹង ដោយក្រុមនីមួយៗប្រឹងប្រែងលើវាលស្មៅសំដៅទៅរកជ័យជំនះ យក៣ពិន្ទុរៀងៗខ្លួនបន្ថែមប្រចាំសប្តាហ៍។ ដោយឡែកសប្តាហ៍នេះ គឺពិសេស និងកក្រើកសង្វៀនវាលស្មៅក្នុងពិភពបាល់ទាត់ ដោយក្រុមជើងខ្លាំងៗប៉ះគ្នា នោះគឺ ក្រុមជើងខ្លាំង Leicester City ជាម្ចាស់ផ្ទះ កំពុងឡើងជើងឈរលើចំណាត់ថ្នាក់លេខ៣ ក្នុងតារាង ត្រូវប៉ះនិងជើងខ្លាំងចំណាត់ថ្នាក់លេខ២ ក្រុមមេឃខៀវ Manchester City នៅថ្ងៃសៅរ៍ ទី២២ ខែកុម្ភៈ វេលាម៉ោង ១២:៣០ រំលងអធ្រាត្រ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជំនួបមួយទៀត គឺ Southampton ប៉ះនិង Aston Villa នៅថ្ងៃសៅរ៍ ទី២២ ខែកុម្ភៈ វេលាម៉ោង ១០ យប់។ ចំណែកឯ ជំនួបគូពិសេសមួយទៀត គឺ ក្រុមកាំភ្លើងធំ Arsernal (ឈរចំណាត់ថ្នាក់លេខ១០) ប៉ះនិង Everton (ឈរចំណាត់ថ្នាក់លេខ៩) នៅថ្ងៃអាទិត្យ ទី២៣ ខែកុម្ភៈ វេលាម៉ោង ១១:៣០ យប់ផងដែរ។
លទ្ធផលសប្តាហ៍មុន៖
- Southampton 1:2 Burnley FC
- Aston Villa 2:3 Tottenham Hotspur
- Wolverhamton 0:0 Leicester City
- Machester City 2:0 West Ham
- Arsernal 4:0 Newcastle
- Everton 3:1 Crystal Palace
ដូច្នេះ សប្តាហ៍ពិសេសនេះរង់ចាំទស្សនាទាំងអស់គ្នានៅស្ថានីយទូរទស្សន៍របស់ CBS នឹងផ្សាយបន្តផ្ទាល់ការប្រកួតនេះ រួមទាំងការប្រកួតផ្សេងៗទៀតផងដែរ នោះគឺការផ្សាយបន្តផ្ទាល់គូពិសេសៗនូវក្របខ័ណ្ឌ La Liga របស់អេស្ប៉ាញផងដែរ ចូលមកដល់សប្តាហ៍ទី២៥ គឺ FC Barcelona ប៉ះ Eibar ហើយជំនួបមួយគូទៀត Real Sociedad ប៉ះ Valencia។
សូមប្រិយមិត្ត កុំភ្លេចចូលរួមតាមដានទស្សនាទាំងអស់គ្នា៕