ឥណ្ឌូនេស៊ី៖ ប្រិយមិត្តអ្នកអានមួយចំនួនប្រាកដជាបានជ្រាបហើយថា កាលពីខែមករាកន្លងទៅ ទីភ្នាក់ងារអភិរក្សធនធានធម្មជាតិ Sulawesi បានប្រកាសផ្ដល់រង្វាន់ជាសាច់ប្រាក់ដល់នរណាម្នាក់ដែលមានភាពក្លាហាន ហ៊ានដោះសំបកកង់ចេញពី.កក្រពើ។ តែលុះមកដល់ថ្ងៃទី៤ ខែកុម្ភៈម្សិលមិញនេះ បានចេញសេចក្ដីប្រកាសលុបចោលការប្រកួតវិញ ព្រោះមិនមាននរណាម្នាក់ហ៊ានឡើយ។

ទីភ្នាក់ងារអភិរក្សក្នុងតំបន់បានឲ្យដឹងពីព័ត៌មានលម្អិតដែរថា ចំពោះប្រាក់រង្វាន់គ្រោងនឹងផ្ដល់ឲ្យទៅអ្នកក្លាហានដែលអាចបំពេញកិច្ចការដ៏គ្រោះថ្នាក់នេះ គឺជាប្រាក់ចេញពីហោប៉ៅផ្ទាល់ខ្លួន។ ហើយការបារម្ភ និងចង់ជួយទៅដល់សត្វក្រពើគឺនៅតែមានជានិច្ច ព្រោះតែខ្លាចសំបកកង់រឹត.ករបស់វាងាប់។ យ៉ាងណាមិញ ឥឡូវនេះខាងក្រសួងបរិស្ថាន និងរដ្ឋាភិបាលកំពុងពិភាក្សារកវិធីដោះស្រាយ ដើម្បីជួយសត្វក្រពើនេះ។

គួររម្លឹកដែរថា ក្រពើមួយក្បាលនេះ ក.របស់វាជាប់សំបកកង់តាំងពីឆ្នាំ២០១៦មកម៉្លេះ ហើយវាបានរួចផុតពីការរញ្ជួយដី និងរលកយក្សស៊ូណាមិដែលវាយប្រហារក្នុងឆ្នាំ២០១៨៕

សូមទស្សនារូបភាពខាងក្រោម៖

ក្រពើជាប់សំបកកង់ម៉ូតូ
ក្រពើជាប់សំបកកង់ម៉ូតូ
ក្រពើជាប់សំបកកង់ម៉ូតូ
ក្រពើជាប់សំបកកង់ម៉ូតូ
ក្រពើជាប់សំបកកង់ម៉ូតូ
ក្រពើជាប់សំបកកង់ម៉ូតូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ