ទួរគី៖ មនុស្សជាង ៣០ នាក់បានបាត់ខ្លួនបន្ទាប់ពីការរញ្ជួយដីកម្រិត ៦.៨ រ៉ិចទ័របានវាយប្រហារខេត្ត Elazig ដោយបានសម្លាប់មនុស្សយ៉ាងហោចណាស់ ២២ នាក់ និងរាប់រយនាក់ទៀតបានរងរបួស។ កិច្ចខិតខំប្រឹងប្រែងស្វែងរកនិងជួយសង្គ្រោះកំពុងតែដំណើរការបន្ទាប់ពីការរញ្ជួយដីដ៏សាហាវមួយបានវាយប្រហារភាគខាងកើតប្រទេសទួរគី។ ទីភ្នាក់ងារគ្រប់គ្រងគ្រោះមហន្តរាយ និងសង្រោះបន្ទាន់របស់ប្រទេសទួរគី (AFAD) បានឲ្យដឹងថាកាលពីព្រឹកថ្ងៃសៅរ៍មានមនុស្ស ៥ នាក់ត្រូវបានទាញចេញពីគំនរបាក់បែកក្នុងខេត្ត Elazig។ ការរញ្ជួយដីកម្រិត ៦.៨ រ៉ិចទ័របានកើតឡើងនៅម៉ោង ៨ និង ៥៥ នាទីយប់ម៉ោងក្នុងស្រុក (១៧:៥៥ GMT) នៅជម្រៅ ៦.៧ គីឡូម៉ែត្រក្បែរទីប្រជុំជន Sivrice ។

សកម្មភាពជួយសង្រោះ

ទីភ្នាក់ងារព័ត៌មានផ្លូវការ Anadolu បានបញ្ជាក់ថាក្នុងចំណោមអ្នកដែលត្រូវបានជួយសង្គ្រោះមានស្ត្រីពពោះម្នាក់ត្រូវបានជួយសង្គ្រោះ ១២ ម៉ោងបន្ទាប់ពីការរញ្ជួយដីបានកើតឡើង។ ចំណែកលោក Murat Kurum រដ្ឋមន្រ្តីក្រសួងបរិស្ថានបានឲ្យដឹងថាអគារប្រហែល ៣០ បានដួលរលំពីការរញ្ជួយក្នុងខេត្តទាំងពីរ។

ទួរគីស្ថិតនៅលើកំពូលនៃខ្សែបន្ទាត់ធំៗចំនួនពីរ និងមានការរញ្ជួយដីកើតឡើងជាញឹកញាប់។ ការរញ្ជួយដីខ្លាំងពីរដងនេះបានវាយប្រហារភាគពាយព្យប្រទេសទួរគីក្នុងឆ្នាំ ១៩៩៩ ដោយបានសម្លាប់មនុស្សប្រហែល ១៨.០០០ នាក់​ ហើយការរញ្ជួយដីកម្រិត ៦.០ រ៉ិចទ័របានសម្លាប់មនុស្ស ៥១ នាក់នៅ Elazig ក្នុងឆ្នាំ ២០១០៕

សកម្មភាពជួយសង្រោះ

ប្រភព​​​៖ www.aljazeera.com

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ