ភ្នំពេញ៖ ក្នុងពហុកីឡដ្ឋានជាតិកាលពីម្សិលមិញ ក្រុមជើងឯកលីគកំពូលកម្ពុជា ព្រះខ័នរាជស្វាយរៀង បានប្រកួតឈ្នះក្រុមជើងឯករងលីគកំពូលឡាវ Master 7 ដោយលទ្ធផល ៤ទល់នឹង១ នៅក្នុងការប្រកួតវគ្គជម្រុះ Play-Off ពានរង្វាន់ AFC Cup ជើងទីមួយ។ 

ក្រុមព្រះខ័នរាជស្វាយរៀង
ការប្រកួតរវាងព្រះខ័នរាជស្វាយរៀង និង Master 7

៤គ្រាប់របស់កូនក្រុមលោក Corner Nestor រកបានដោយកីឡាករខ្សែបម្រើ ហ៊ូយ ផល្លីន និងខ្សែប្រយុទ្ធ Jean Marie Mbbarga Privat ក្នុងម្នាក់២គ្រាប់ ខណៈមួយគ្រាប់របស់ក្រុមឡាវ Master 7 ធ្វើបានសម្រេចដោយអតីតខ្សែប្រយុទ្ធដែលធ្លាប់លេងនៅគិរីវង្សសុខសែនជ័យកីឡាករ Souleymane Coulibaly។ 

ក្រោយយកឈ្នះ ៤-១ នៅជើងទីមួយនេះ ព្រះខ័នរាជស្វាយរៀង នៅមិនទាន់ប្រាកដថានឹងអាចឡើងទៅលេងនៅវគ្គចែកពូលនៅឡើយ ដោយត្រូវរង់ចាំការប្រកួតជើងទីពីរដែលធ្វើឡើងនៅទឹកដីរបស់ Master 7 ក្នុងប្រទេសឡាវវិញម្ដង ខណៈការប្រកួតជើងទីពីរ នឹងធ្វើឡើងនៅថ្ងៃទី២៩ ខែមករា ឆ្នាំ២០២០។ 

កីឡាកររបស់ព្រះខ័នរាជស្វាយរៀងអបអរគ្រាប់បាល់
ការប្រកួតរវាងព្រះខ័នរាជស្វាយរៀង និង Master 7
ការប្រកួតរវាងព្រះខ័នរាជស្វាយរៀង និង Master 7

គួរឲ្យដឹងដែរថា រវាងព្រះខ័នរាជស្វាយរៀង និង Master 7 ក្រុមណាដែលអាចមានឱកាសឡើងបន្តទៅវគ្គចែកពូល ពានរង្វាន់ក្លិបអាជីពលំដាប់ទីពីរនៅអាស៊ីមួយនេះនឹងចូលទៅក្នុងពូល G ដែលមានក្រុមចំនួន៣កំពុងរង់ចាំស្រាប់គឺ Ceres-Negros (ហ្វីលីពីន), Than Quang Ninh (វៀតណាម) និង Bali United (ឥណ្ឌូនេស៊ី)៕ 

ចង់ឃើញថា ៤គ្រាប់របស់ព្រះខ័នរាជស្វាយរៀង កាលពីម្សិលមិញកើតឡើងយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖

វីដេអូ៖ BTV Cambodia

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ