ពីមួយថ្ងៃទៅមួយថ្ងៃ រឿងដែលអ្នកត្រូវប្រឈមមុខជានិច្ច គឺក្រុមមនុស្សនៅក្នុងសង្គម។ ពិតណាស់អ្នក និង ត្រូវជួបមនុស្សជាច្រើន ដែលចូលមកក្នុងជីវិតរបស់អ្នកទាំងមនុស្សល្អ និង មនុស្សអាក្រក់ ដែលអ្នកមិនអាចជ្រើសរើសបាន។ អ្នកខ្លះចូលមកក្នុងជីវិតរបស់អ្នក ត្រឹមតែរយ:ពេលខ្លី ហើយក៏ចាកចេញពីអ្នកទៅវិញ ដោយស្របទៅតាមពេលវេលា របស់ពួកគេ។ ប៉ុន្តែការចាកចេញនេះ ក៏បានបន្សល់ទុកនៅអនុស្សាវរីយ៍ និងការចងចាំល្អៗ ជាច្រើនដែលបានសាងរួមគ្នាជាមួយនឹងយើងផងដែរ។

ចំណែកមនុស្សខ្លះទៀតចូលមកក្នុងជីវិតយើង ដើម្បីផ្តល់មេរៀនដល់យើង ព្រោះនៅលើលោកនេះ គ្មានអ្វីដែលស្ថិតស្ថេរនោះទេ។ ពួកគេហាក់បីដូចជាបានបង្រៀនយើង ឲ្យចេះរៀនរស់ដោយខ្លួនឯង និងចេះពឹងលើខ្លួនឯងជាជាងការរស់នៅ ដោយពឹងលើអ្នកដ៏ទៃ។ មានមនុស្សខ្លះ ពួកគេស្រលាញ់រាប់អានយើងយ៉ាងពិតប្រាកដ ដោយទឹកចិត្ត និង មិនមែនចូលមកដើម្បីរំពឹងផលប្រយោជន៍ពីយើងនោះឡើយ។ 

អ្នកខ្លះទៀត ពួកគេចូលមកធ្វើជាមិត្តល្អ បងប្អូនល្អ និងមនុស្សជាទីស្រលាញ់របស់យើង ទោះបីជាពួកគេមិនមែនបងប្អូនរួមឈាមក៏ដោយ។

មនុស្សទាំងនោះហើយដែលតែងតែនៅក្បែរអ្នក ចាំជួយលើកទឹកចិត្ត និងរកដំណោះស្រាយសម្រាប់អ្នក​ នៅពេលដែលអ្នកជួបបញ្ហា មិនថាក្នុងស្ថានភាពដ៏អាក្រក់ប៉ុណ្ណាក៏ដោយ។ មិត្តភាព និងការស្រលាញ់ពិត គឺការរាប់អានដោយចេញពីចិត្ត៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក មេរៀនជីវិត និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ