កូរ៉េខាងត្បូង ៖ កាលពីរដូវក្តៅឆ្នាំ ២០១២ ក្មេងប្រុសវ័យ ១៤ឆ្នាំ ដែលគេស្គាល់យ៉ាងច្បាស់ថាជា Jungkook កូនពៅក្រុមចម្រៀងល្បី ក្នុងផលិតកម្ម BigHit ធ្លាប់ត្រូវបានផលិតកម្ម បញ្ជូនទៅសិក្សានៅឯបរទេស រយៈពេលប្រហែលជា ១ខែ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ មួយឆ្នាំមុនពេលបង្ហាញខ្លួនជាសមាជិកក្រុម BTS គឺ Jungkook បានធ្វើដំណើរទៅសហរដ្ឋអាមេរិកជាលើកដំបូង ដើម្បីចូលរួមថ្នាក់បណ្តុះបណ្តាលបន្ថែមផ្នែករាំ។
ខណៈពេលដែលនៅអាមេរិក Jungkook បានសរសេររៀបរាប់អំពីសកម្មភាពរបស់ខ្លួន និងអារម្មណ៍ពេលកំពុងហ្វឹកហាត់ ដែលវាបានបញ្ជាក់យ៉ាងច្បាស់ថា ក្មេងប្រុសម្នាក់នេះមានការតស៊ូប៉ុណ្ណាទម្រាំទទួលបានភាពល្បីល្បាញខ្លាំង ដូចជាសព្វថ្ងៃនេះ។
រូបភាពជាច្រើនសន្លឹកត្រូវបានបង្ហាញដោយ Jungkook ភ្ជាប់ជាមួយនឹងកំណត់ហេតុប្រចាំថ្ងៃរបស់លោកកំឡុងពេលស្នាក់នៅអាមេរិក ហើយវាក៏ជាការចងចាំដ៏ល្អដែលអ្នកគាំទ្រតែងតែលើកយកមកនិយាយ ដើម្បីផ្ដល់កម្លាំងចិត្តទៅដល់ Jungkook នាពេលបច្ចុប្បន្នផងដែរ៕
ចង់ដឹងថា តើពេលនោះ Jungkook បានធ្វើអ្វីខ្លះ ហើយលោកមានមុខមាត់បែបណា?
តោះមកទស្សនារូបភាពខាងក្រោម ៖
នេះជាលើកដំបូងរបស់ Jungkook ក្នុងការធ្វើដំណើរផ្លូវឆ្ងាយ រយៈពេល ១២ ទៅ ១៣ ម៉ោងបែបនេះ។
ខណៈពេលធ្វើដំណើរទៅកន្លែងស្នាក់ Jungkook បានចុះថតរូប នៅតាមដងផ្លូវ។
ទីបំផុត Jungkook អាចរកឃើញហាងអាហារកូរ៉េ ដែលនៅក្បែរកន្លែងស្នាក់។ លោកបានបង្ហើបថា ការញ៉ាំម្ហូបកូរ៉េ ពេលកំពុងស្នាក់នៅក្រៅប្រទេស វាធ្វើឲ្យលោក រសាយអស់នូវអារម្មណ៍នឹកផ្ទះ។ ដោយសារតែកូនប្រុសម្ចាស់ហាង គឺជាជនជាតិកូរ៉េ Jungkook ក៏ទទួលបានស្រាដោយឥតគិតថ្លៃ ពួកគេទៀតផង។
ការហ្វឹកហាត់មានភាពមមាញឹក ដូច្នេះលោកក៏ត្រូវប្រើប្រាស់សម្លៀកបំពាក់ច្រើនផងដែរ។ ក្នុងមួយសប្ដាហ៍ លោកត្រូវយកសម្លៀកបំពាក់មកដាក់បោកគក់ ប្រហែលជា ២ដង។
Jungkook បានទៅលេងសារៈមន្ទី ដើម្បីមើលការតាំងពិព័រណ៍មួយ ប៉ុន្តែនៅលើជណ្តើរគ្មាមនុស្សសោះ ទើបលោកបញ្ឈប់ដំណើរ ហើយថតរូបលេងវិញ។
នេះជាកន្លែងដែល Jungkook ហ្វឹកហាត់ នៅឯ LA ប៉ុន្តែដោយសារតែលោកមកលឿនពេក សាលាមិនទាន់បើកទ្វារ ទើប Jungkook សម្រេចចិត្តថតរូបលេងសិន ដើម្បីរង់ចាំគ្រូៗ។
Jungkook បានទិញស្គីក្តារបន្ទះមួយ នៅឯ LA ហើយចាប់ផ្ដើមជិះវា ជាលើកដំបូង។ រូបនេះថតដោយលោកគ្រូរបស់ Jungkook។
ទាំងនេះជារូបភាពផ្សេងៗ ដែល Jungkook បានថតលេង ពេលទំនេរពីការហ្វឹកហាត់។
មុនពេលមកកូរ៉េវិញ Jungkook បានទៅញ៉ាំបង្កងធំៗជាលើកដំបូង នៅឯភោជនីយដ្ឋានអាហារសមុទ្រក្បែរនោះ។ ប៉ុន្តែលោកបានបង្ហើបថា លោកពេញចិត្តក្តាមធំៗ នៅឯ Busan ស្រុកកំណើតរបស់លោកជាង។