Violette ត្រូវផ្អាកច្រៀងបណ្ដោះអាសន្ន ដោយសារតែ...

ថៃ៖ តារាចម្រៀងថៃដ៏ល្បី នាង Violette ដែលគ្រប់គ្នាភាគច្រើនបានស្គាល់នាងតាមរយៈបទចម្រៀង "Smoke" ដែលបានធ្វើឲ្យនាងកាន់តែមានប្រជាប្រិយភាព និងទទួលបានការគាំទ្រយ៉ាងច្រើនពីសំណាក់ហ្វេនៗផងដែរ មិនត្រឹមតែប៉ុណ្ណោះ នាងថែមទាំងមានរូបសម្រស់ស្រស់ស្អាតទៀតផង។

យ៉ាងណាមិញ កាលពីពេលថ្មីៗនេះ Violette បានធ្វើឱ្យអ្នកគាំទ្រព្រួយបារម្ភយ៉ាងខ្លាំង ដោយនាងមានបញ្ហាសម្លេង រហូតដល់ថ្នាក់ត្រូវគ្រូពេទ្យចាក់ថ្នាំ ហើយបញ្ជាឱ្យឈប់ប្រើសំលេងជាបណ្ដោះអាសន្ន។

ជាក់ស្ដែង Violette ក៏បានបង្ហោះនៅលើបណ្ដាញសង្គម Instagram ហើយក៏បានសូមអភ័យទោសចំពោះការងារដែលចាំបាច់ត្រូវលុបចោលភ្លាមៗ ដោយនាងបាននិយាយថា ចូលប្រឡូកក្នុងវិស័យនេះអស់រយៈពេល ៦ ឆ្នាំមកហើយ មិនធ្លាប់លុបចោលការងារម្ដងណាឡើយ ហើយនាងក៏មិនគិតថា វានឹងកើតឡើងនៅថ្ងៃនេះទេ ប៉ុន្តែនាងពិតជាមិនអាចទ្រាំទ្រច្រៀងបន្តទៀតបានពិតមែន៕

សូមទស្សនារូបភាពខាងក្រោម៖