កក្រើកលើសង្វៀនវាលស្មៅនូវក្របខ័ណ្ឌ English Premier League នៅលើកញ្ចក់ទូរទស្សន៍ CBS (CTN, MYTV, CNC) សប្តាហ៍នេះ!

អង់គ្លេស៖ សប្តាហ៍នេះការប្រកួតបាល់ទាត់ក្របខ័ណ្ឌ English Premier League បានឈានដល់សប្ដាហ៍ទី២៣ ហើយ ដោយក្រុមនីមួយៗប្រឹងប្រែងលើវាលស្មៅ សំដៅទៅរកដណ្ដើមយក៣ពិន្ទុរៀងៗខ្លួន។

ដោយឡែកសប្តាហ៍នេះ គឺពិសេសនឹងកក្រើកសង្វៀនវាលស្មៅក្នុងពិភពបាល់ទាត់ ដោយក្រុមជើងខ្លាំងៗប៉ះគ្នា នោះគឺ ក្រុមម្ចាស់ផ្ទះ Manchester City នឹងស្វាគមន៍ភ្ញៀវក្រុម Crystal Palace នៅវេលាម៉ោង ១០ យប់ ទន្ទឹមនឹងនោះ ក្រុមម្ចាស់ផ្ទះ Newcastle United នឹងស្វាគមន៍ក្រុម Chelsea ដែលជាភ្ញៀវវេលាម៉ោង ១២:៣០ រំលងអធ្រាត្រ ​នៅថ្ងៃសៅរ៍​ ទី១៨​ ខែ​មករា និងគូពិសេសក្រុមយក្សក្រហមពីរប៉ះគ្នាដែរ នៅថ្ងៃអាទិត្យ ទី១៩ ខែមករា ឆ្នាំ២០២០ ម៉ោង១១:៣០នាទី (ម៉ោងនៅកម្ពុជា) គឺក្រុមហង្សក្រហម Liverpool ជាម្ចាស់ផ្ទះនឹងត្រូវស្វាគមន៍ភ្ញៀវ ក្រុមបិសាចក្រហម Manchester United។

តើហង្សក្រហម Liverpool នៅតែអាចរក្សាកំណត់ត្រាខ្លួនមិនដែលស្គាល់ថាចាញ់ក្នុងរដូវកាល EPL នេះ បានដែរឬទេ? ហើយតើបិសាចក្រហម Manchester United អាចបំបែកសំណាញ់ និងកំណត់ត្រារបស់ក្រុមហង្សក្រហមនេះបាន ឬទេ?

ដូច្នេះសប្តាហ៍ពិសេសនេះ រង់ចាំទស្សនាទាំងអស់គ្នានៅស្ថានីយទូរទស្សន៍របស់ CBS នឹងផ្សាយបន្តផ្ទាល់ការប្រកួតនេះ រួមទាំងការប្រកួតផ្សេងៗទៀតផងដែរ​ នោះ​គឺការផ្សាយបន្តផ្ទាល់គូពិសេសៗនូវក្របខ័ណ្ឌ La Liga របស់អេស្ប៉ាញផងដែរគឺ Real Madrid ប៉ះ Sevilla ហើយ Villareal ប៉ះ Espanyol។
សូមប្រិយមិត្ត កុំភ្លេចចូលរួមតាមដានទស្សនាទាំងអស់គ្នា៕