ហ្វីលីពីន៖ ទេសភាពក្នុងតំបន់ខ្លះនៃប្រទេសហ្វីលីពីនបានប្រែពីបៃតងទៅជាពណ៌ប្រផេះ បន្ទាប់ពីភ្នំភ្លើងតាលបានជះកម្អែលលាយលំជាមួយនឹងផេះឡើងទៅដល់ផ្ទៃមេឃនៅសប្តាហ៍នេះ។ ប្រជាជនប្រមាណ ៤៤,០០០ នាក់ បាន
ភៀសខ្លួនចម្ងាយ ១៤គីឡូម៉ែត្រ ចេញពីតំបន់គ្រោះថ្នាក់នេះ។ យោងតាមទីភ្នាក់ងារសារព័ត៌មានរ៉យទ័របានឲ្យដឹងថា ផេះដែលបានជះចេញពីភ្នំភ្លើងបានធ្វើឱ្យខូចខាតដល់ដំណាំជាច្រើន ដែលគិតជាទឹកប្រមាណ ១០.៩ លានដុល្លារ។
លោក ជេក អ៊ីមភើរៀល ដែលជាកសិករម្នាក់នៅក្នុងតំបន់នោះបាននិយាយថា៖
យោងតាមសារព័ត៌មានរ៉យទ័រ បានរាយការណ៍ទៀតថា ផេះដែលជះចេញពីភ្នំភ្លើងនេះ បានធ្វើឱ្យខូចខាតដល់ផលដំណាំរបស់កសិករដទៃទៀតដែលនៅក្បែរនោះ មានដូចជា ម្នាស់ ចេកនិងកាហ្វេ។
តំបន់ទីប្រជុំជនទាំងមូលត្រូវបានគ្របដណ្តប់ទៅដោយផេះក្រាស់ៗ ហើយរដ្ឋាភិបាលហ្វីលីពីនបានជម្លៀសប្រជាជនចេញពីតំបន់ជុំវិញភ្នំភ្លើងនោះ។ រហូតមកដល់ពេលនេះមិនទាន់មានរបាយការណ៍អំពីអ្នករងរបួសនិងគ្រោះថ្នាក់ដល់អាយុជីវិតនៅឡើយទេ។ ប៉ុន្តែរដ្ឋាភិបាលនៅតែបង្កើនកម្រិតប្រកាសអាសន្ន និងបានប្រកាសឱ្យប្រជាជនមានការប្រុងប្រយ័ត្នខ្ពស់ ព្រោះថាបន្ទុះភ្នំភ្លើងនេះអាចកើតឡើងគ្រប់ពេល៕