ទើបតែភ្ជាប់ពាក្យហើយ Sririta និងគូដណ្ដឹង នាំគ្នាមកលេងកោះបង្ហាញរូបភាពស្វីតៗ ឲ្យគេច្រណែន

ថៃ៖ ដូចដែលប្រិយមិត្តបានដឹងមកហើយថា តារាសម្ដែងស្រី Sririta ជាតារាសម្ដែងមួយរូបដែលមានប្រជាប្រិយភាពយ៉ាងខ្លាំង និងទទួលបាននូវភាពជោគជ័យក្នុងវិស័យសិល្បៈ។ ចំពោះជីវិតផ្ទាល់ខ្លួនវិញ Sririta ក៏បានភ្ជាប់ពាក្យជាមួយនឹងបុរសអភិជនម្នាក់ កាលពីដើមខែ មករា នេះ ផងដែរ ដែលប្រកបដោយភាពសប្បាយរីករាយនិងមានសុភមង្គលជាទីបំផុត។

បើនិយាយពីគូស្នេហ៍អ្នកទាំងពីរវីញ សង្កេតឃើញថា មុនពេលភ្ជាប់ពាក្យ Sririta និងគូដណ្ដឹង មានភាពផ្អែមល្ហែមខ្លាំងណាស់ ប៉ុន្តែបន្ទាប់ពីភ្ជាប់ពាក្យហើយនោះ ភាពផ្អែមល្ហែមរបស់អ្នកទាំងពីរកាន់តែខ្លាំងជាងមុនទៅទៀត។

ដោយកាលពីពេលថ្មីៗនេះ Sririta និងគូដណ្ដឹង បាននាំគ្នាមកកម្សាន្តនៅលើកោះមួយ និងបានបង្ហាញនូវរូបភាពដែលពួកគេទាំងពីរនាក់បានហែលទឹកជាមួយគ្នាដើម្បីលំហែកាយនៅលើឆ្នេរ ។ អាចនិយាយបានថា បរិយាកាសនៅលើកោះនោះពិតជាភាពរ៉ូមែនទិកណាស់សម្រាប់អ្នកទាំងពីរ បើទោះបីជាពួកគេ មិនបាននិយាយថា នេះជាដំណើរកម្សាន្តក្រេបទឹកឃ្មុំក៏ដោយ ប៉ុន្តែមើលទៅអ្នកទាំងពីរពិតជា មានភាពផ្អែមល្ហែមខ្លាំងណាស់ មិនខុសពីការមកក្រេបទឹកឃ្មុំនោះទេ។

ទោះជាយ៉ាងណា ក្រៅពីរូបភាពគូស្នេហ៍ដ៏ផ្អែមល្ហែមរបស់តារាស្រី Sririta ហើយ ក៏នៅមានរូបភាពដែលអ្នកទាំងពីរប្តូរវេនគ្នាថតរូបទៀត ។ មើលទៅរូបថតរបស់អ្នកទាំងពីរពិតជាស្រស់ស្អាតណាស់ តែសម្រាប់ Sririta វិញ ក៏នៅតែស្រស់ស្អាតដូចមុន ដោយនាងបានស្លៀកឈុតហែលទឹកពិតជាល្អឥតខ្ចោះ។ ឃើញបែបនេះហើយ បានធ្វើឲ្យហ្វេនៗជាច្រើន សង្ឃឹមថាដំណើរកម្សាន្តរបស់ពួកគេលើកនេះ នឹងនាំមកនូវដំណឹងល្អផងដែរ៕

សូមទស្សនារូបភាពខាងក្រោម៖