លែងឈឺបេះដូង Selena វិលមកលេងមួយឈុតពណ៌ផ្កាឈូកនេះ ក្មេងស្អាតដូចកាលពី១០ឆ្នាំមុនចឹង!

បរទេស៖ កាលពីថ្មីៗនេះ តារាចម្រៀងស្រីដ៏មានប្រជាប្រិយភាព Selena Gomez ត្រូវបានអញ្ជើញឲ្យចូលរួមនៅក្នុងកម្មវិធីជជែកកម្សាន្តដ៏ល្បីឈ្មោះមួយ «The Tonight Show Starring Jimmy Fallon» ដើម្បីចែករំលែកនូវរឿងរ៉ាវផ្ទាល់ខ្លួន ក៏ដូចជាបទពិសោធន៍នៃជីវិត។

តួយ៉ាង ការបង្ហាញខ្លួនលើកនេះរបស់ Selena បានទាក់ទាញចំណាប់អារម្មណ៍មហាជនជាខ្លាំង ជាមួយនឹងស្ទាយ៍តុបតែងខ្លួនបែបCuteៗរបស់នាង ដែលរៀបចំដោយ អ្នកMake Up Artist ជនជាតិវៀតណាមផ្ទាល់ខ្លួន ដែលមានឈ្មោះថា Hung Vanngo។

ជាការពិតណាស់ គួរឲ្យដឹងថា នារាត្រីជជែកកម្សាន្តនេះ Selena បានស្លៀកនូវឈុតពណ៌ស៊ីជម្ពូ ផាត់មុខបែបយុវវ័យ ជាមួយនឹងម៉ូតសក់ទំលាក់សក់មុខ ដែលធ្វើឲ្យនាងមើលទៅកាន់តែស្រស់ស្អាតក្មេងជាងវ័យតែម្តង។

មិនត្រឹមតែប៉ុណ្ណោះ បើសិនជាយករូបថតរបស់ Selena កាលពីចូលរួមកម្មវិធី "The Tonight Show Starring Jimmy Fallon" នេះកាលពី១០ឆ្នាំមុនវិញ ដែលនាងបានស្លៀករ៉ូបពណ៌ស្វាយ និងបច្ចុប្បន្ននេះនាងបានស្លៀករ៉ូបពណ៌ផ្កាឈូក គឺពិតជាគ្មានអ្វីខុសគ្នាបន្តិចឡើយ មិនថាតែសម្រស់ និងភាពគួរឲ្យស្រលាញ់របស់នាង គឺនៅដដែរតែម្តងផងដែរ៕