ចិន៖ កាលពីថ្ងៃទី១២ ខែមករា ឆ្នាំ២០២០​កន្លងទៅនេះ បុរសម្នាក់នាមក្រកូល Huang ច្រឡំដៃលើកកូនប្រុសដាក់ចូលម៉ាស៊ីនស្កេនកាបូបអីវ៉ាន់ នៅស្ថានីយ៍រថភ្លើង Guigang Train Station ក្នុងខេត្ត Guangxi

យោងតាមវីដេអូដែលថតដោយកាមេរ៉ាសុវត្ថិភាពបានបង្ហាញឲ្យឃើញថា នៅពេលមកដល់កន្លែងត្រួតពិនិត្យ លោក Huang បានយកកាបូបស្ពាយលើស្មាដាក់ចូលម៉ាស៊ីនស្កេនកាបូបអីវ៉ាន់ ហើយបន្ទាប់មកទៀតគាត់ក៏លើកកូនប្រុសដែលកំពុងអង្គុយនៅលើវ៉ាលី ដាក់ចូលម៉ាស៊ីនស្កេនកាបូបអីវ៉ាន់ដែរ។ ឃើញដូច្នេះ អ្នកដំណើរ និងសន្ដិសុខដែលនៅក្បែរនោះបាននាំគ្នាស្រែក ទើបលោក Huang ភ្ញាក់ខ្លួននិងចាប់ទាញកូនប្រុសចេញមកវិញយ៉ាងលឿន។

លោក Huang បានឲ្យដឹងដែរថា នៅក្នុងថ្ងៃកើតហេតុ គាត់និងកូនប្រុសធ្វើដំណើរទៅកាន់ទីក្រុង Guangzhou ដើម្បីជួបជុំក្រុមគ្រួសារថ្ងៃចូលឆ្នាំថ្មីចិនខាងមុខនេះ។ ហើយពេលនោះដែរ គាត់ប្រញាប់ខ្លាំងពេក ព្រោះតែយឺតម៉ោងឡើងរថភ្លើង និងមិនចាប់អារម្មណ៍ថាខ្លួនកំពុងកាន់អ្វីឡើយ ទើបច្រលំកូនប្រុសជាវ៉ាលី។

យ៉ាងណាមិញ កូនប្រុសរបស់លោក Huang មិនបានរងរបួសអ្វីឡើយ ហើយវីដេអូខាងលើនេះត្រូវបានប៉ូលិសបង្ហោះចែកចាយទុកជាការដាស់តឿនឪពុកម្ដាយគ្រប់រូបឲ្យមានប្រុងប្រយ័ត្ន៕

សូមទស្សនារូបភាពនិងវីដេអូខាងក្រោម៖

លោក Huang និងកូនប្រុស
លោក Huang និងកូនប្រុស
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ