ទីបំផុតព្រឹកនេះ! សមត្ថកិច្ចបញ្ជូនជនល្មើស ទៅតុលាការ ដើម្បីផ្ដន្ទាទោសតាមច្បាប់ ក្នុងករណីឃាតកម្មសម្លាប់មនុស្ស

ភ្នំពេញ៖ នាព្រឹកនេះដែរ កម្លាំងសមត្ថកិច្ចបានត្រៀមខ្លួនបញ្ចូនជនល្មើស ទៅតុលាដើម្បីផ្ដន្ទាទោសតាមច្បាប់ ពាក់ព័ន្ធករណីឃាតកម្មដ៏កក្រើកដើមឆ្នាំ២០២០នេះ។

ករណីមួយនេះ គឺជនសង្ស័យ ស៊ិន ស្រីនាង បានសម្លាប់ដោយយកខ្នើយមកខ្ទប់រហូតដល់ដាច់ខ្យល់ស្លាប់ ថែមទាំងមានរបួសស្នាមនៅត្រង់.កដៃថែមទៀត មិនត្រឹមតែប៉ុណ្ណោះសម្ភារៈដែលបានបាត់បង់នោះមាន ចិញ្ចៀនពេជ្រចំនួន២វង់ ដែលជនសង្ស័យបានធ្វើការយកទៅបញ្ចាំនៅផ្សារកណ្តាល យកទឹកប្រាក់ចំនួន២ពាន់ដុល្លារ។

ពាក់ពន្ធ័នឹងការស្រាវជ្រាវរួចឃើញថា សាកសពជនរងគ្រោះមានស្នាមចងដៃទាំងសងខាង ដាច់រលាត់ស្បែក និងមានស្នាម រលាត់ស្បែកក្រោមភ្នែកទាំងសងខាង ហើយសពស្លាប់ដោយសារខ្ទប់ផ្លូវដង្ហើម ដោយសារតែជនសង្ស័យឈ្មោះស៊ិន ស្រីនាង បានយកខ្នើយខ្ទប់រហូតដល់ដាច់ខ្យល់។

តែទោះជាយ៉ាងណាក្តី ពេលនេះជនសង្ស័យមិនរួចពីផ្លូវច្បាប់នោះទេ ប៉ូលីសកំពុងធ្វើការដោះស្រាយ ចាត់ការដាក់ទោសទៅតាមផ្លូវច្បាប់ ក្នុងករណីសម្លាប់មនុស្ស៕

សូមទស្សនារូបភាពខាងក្រោមនេះ៖