អង់គ្លេស៖ អតីតអ្នកចាំទីរបស់ក្លិបហង្សក្រហម Liverpool កីឡាករសញ្ជាតិអេស្ប៉ាញ Pepe Reina បានផ្លាស់ពីក្លិប AC Milan មកចូលរួមជាមួយ Aston Villa រហូតដល់បញ្ចប់រដូវកាលនេះ ក្រោមលក្ខខណ្ឌខ្ចីជើង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការសម្រេចចុះហត្ថលេខាយល់ព្រមខ្ចីជើង Pepe Reina ធ្វើឡើងបន្ទាប់ពីអ្នកចាំទីជម្រើសជាតិអង់គ្លេសរបស់ Aston Villa កីឡាករ Tom Heaton នឹងត្រូវអវត្តមានពីលើទីលានរហូតដល់ចប់រដូវកាលនេះ ក្រោយមានបញ្ហារបួសជង្គង់កាលពីថ្ងៃទី០១ ខែមករាកន្លងទៅ។
អ្នកចាំទីវ័យ ៣៧ឆ្នាំដែលធ្លាប់ជួយឲ្យអេស្ប៉ាញឈ្នះពាន FIFA World Cup 2010 កីឡាករ Pepe Riena បានមកដល់កីឡដ្ឋាន Villa តាំងពីថ្ងៃអាទិត្យ ពេលដែលក្រុមថ្មីរបស់ខ្លួនត្រូវបាន Manchester City លត់យ៉ាងទក់សាច់ក្នុងលទ្ធផល ១-៦។
គួរឲ្យដឹងដែរថា Reina ធ្លាប់បង្ហាញខ្លួនឲ្យហង្សក្រហម Liverpool បានចំនួន ៣៩៤ប្រកួត នៅចន្លោះពីឆ្នាំ ២០០៥ ដល់ឆ្នាំ២០១៣ មុនពេលរូបគេសម្រេចចិត្តផ្លាស់ទៅ Bayern Munich, Napoli, AC Milan និងចុងក្រោយនេះគឺ Aston Villa៕
ប្រភព៖ BBC